नाशिक : आडगावकर सराफच्या काही योजनांमध्ये शेकडो गुंतवणूकदारांनी आर्थिक गुंतवणूक केली आहे. मात्र, मुदत संपल्यानंतर गुंतवणूकदारांना त्यांच्या रकमेचा दागिना किंवा पैसेही परत मिळाले नाहीत. मिरजकर सराफापाठोपाठ आडगावकर सराफी पेढीविरोधातही अखेर एमपीआयडी कलमासह फसवणुकीचा गुन्हा दाखल झाला आहे.
कशी केली फसवणूक
शहरातील नामांकित आडगावकर सराफविरोधात अखेर एमपीआयडी कलमासह फसवणुकीचा गुन्हा दाखल झाला आहे. आतापर्यंत 31 गुंतवणूकदारांच्या तक्रारीनुसार "सुवर्णसंधी' व "दूरदृष्टी' योजनेच्या नावाखाली आडगावकर सराफी पेढीने 17 लाख रुपये व सुमारे साडेसहाशे ग्रॅम सोन्याची फसवणूक केली असून, फसवणूक झालेल्या तक्रारदारांना तक्रारीसाठी आर्थिक गुन्हे शाखेने आवाहन केले आहे. प्रवीण दत्तात्रय जोशी (रा. पवननगर, सिडको) यांच्या फिर्यादीवरून आडगावकर सराफ प्रायव्हेट लिमिटेडचे संचालक महेश राम आडगावकर, गोकुळ श्‍याम आडगावकर यांच्याविरोधात सरकारवाडा पोलिसांत गुन्हा दाखल झाला आहे. या गुन्ह्याचा तपास शहर आर्थिक गुन्हे शाखेकडे वर्ग झाला आहे.
फसवणुकीचा गुन्हा दाखल
आडगावकर सराफच्या काही योजनांमध्ये शेकडो गुंतवणूकदारांनी आर्थिक गुंतवणूक केली आहे. मात्र, मुदत संपल्यानंतर गुंतवणूकदारांना त्यांच्या रकमेचा दागिना किंवा पैसेही परत मिळाले नाहीत. मिरजकर सराफापाठोपाठ आडगावकर सराफी पेढीविरोधातही अखेर एमपीआयडी कलमासह फसवणुकीचा गुन्हा दाखल झाला आहे.
गोकुळ आडगावकर कुटुंबीयांसह पसार
जानेवारीपासून गुंतवणूकदार आडगावकर सराफाच्या तिन्ही दुकानांमध्ये गर्दी करीत होते. त्या प्रत्येक वेळी पोलिसांनी लेखी तक्रारीचे आवाहन केले होते. मात्र, गुन्हा दाखल झाल्यानंतर पोलिसांनी आडगावकर यांच्या निवासस्थानी धाव घेतली. त्या वेळी लोकमान्यनगरमधील गोकुळ आडगावकर कुटुंबीयांसह काही दिवसांपूर्वीच पसार झाले आहेत, तर महेश आडगावकर यांना पॅरालिसिसचा झटका आल्याने त्यांच्यावर रुग्णालयात उपचार सुरू आहेत.
बॅंक खाती, मालमत्ता
आर्थिक गुन्हे शाखेने आडगावकर यांचे बॅंक खाते असलेल्या बॅंकांकडे पत्रव्यवहार करीत त्यांचे आर्थिक व्यवहार रोखले असून, त्यांची माहिती संकलित केली जात आहे. त्याचप्रमाणे आडगावकरांची मालमत्तेसंदर्भातील जिल्हा निबंधक कार्यालयाकडे कोणतेही व्यवहार होऊ नये, यासाठी पाठपुरावा केला जात आहे.
आडगावकर सराफाकडून फसवणूक झालेल्या गुंतवणूकदारांनी शहर आर्थिक गुन्हे शाखेकडे तक्रार नोंदवावी. फसवणुकीची व्याप्ती मोठी असण्याची शक्‍यता आहे. - लक्ष्मीकांत पाटील, उपायुक्त, आर्थिक गुन्हे शाखा, नाशिक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.