देवळाली कॅम्प (जि. नाशिक) : येथील खंडेराव टेकडी परिसरात असलेल्या कॅटोन्मेंट बोर्डाच्या (Cantonment Board) टेम्पल हिल (Temple Hill) उद्यानात आग लागली. या वेळी कॅन्टोन्मेंट बोर्डाच्या अग्निशामक वाहनासह कर्मचाऱ्यांनी दाखल होत ही आग आटोक्यात आणली. देवळाली (Deolali) येथील खंडेराव टेकडी जवळ असलेल्या या उद्यानात सायंकाळी परिसरातील लहान मुलांसह पर्यटक येतात, मात्र सुदैवाने या वेळी येथे कोणी नसल्याने होणारी गंभीर घटना टळली.
या आगीमध्ये उद्यानात लावण्यात आलेल्या विविध प्रकारच्या झाडांचे नुकसान झाले आहे. आगीचे कारण समजले नसले तरी येथे येणाऱ्या एखाद्या तरुण किंवा नागरिकाने सिगारेट अथवा बिडीचे थोटूक येथे फेकले असावे. त्यामुळे ही आग लागल्याचा अंदाज व्यक्त केला जात आहे. दरम्यान, घटनास्थळावर अग्निशमन दलाच्या भाऊसाहेब सानप, मनोज भालेराव, जयदीप निसाळ या जवानांनी पाण्याचा मारा करत आग आटोक्यात आणली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
