सिन्नर- घोटेवाडी शिवारातील विलास घोटेकर यांच्या घरालगत साठवून ठेवलेला जनावरांचा सुमारे सव्वा दोन लाख रुपयांचा चारा आगीच्या भक्षस्थानी पडला. सोमवारी दुपारी चारच्या सुमारास ही घटना घडली. आगीचे कारण समजू शकले नाही..घोटेवाडी - पारेगाव रस्त्यावर विलास घोटेकर यांची वस्ती आहे. घराच्या शेजारीच जनावरांचा गोठा आणि पाठीमागच्या बाजूला चारा साठविण्याची जागा आहे. घोटेकर यांच्याकडे दहा ते बारा दुभत्या गायी असून पाच ते सात अन्य जनावरे आहेत. त्यांच्यासाठी त्यांनी सुमारे ५५ टन मुरघास बॅगांमध्ये भरून ठेवला होता. .शेजारीच सुमारे सहा ट्रॉली ज्वारीचा कडबा साठवला होता. गव्हाचे सहा ट्रॉली भूस देखील त्यांनी खळ्यावर आणून ठेवले होते. घरापासून दूर असलेल्या शेतात डाळिंबाची छाटणी करण्यासाठी ते गेले होते. घरी त्यांची वृद्ध आई व सहा वर्षांचा मुलगा असे दोघेच होते. दुपारी चारच्या सुमारास अज्ञात कारणामुळे चाऱ्याला आग लागली. आग लागल्याचे पाहून लहान मुलगा धावत पळत अर्धा किलोमीटरवर असलेल्या वस्तीवर गेला..तेथे त्याने सांगितल्यावर शेतकऱ्यांनी आजूबाजूच्या वस्त्यांवर निरोप देत भाव घेतली. मात्र जोराचा वारा वाहत असल्याने संपूर्ण चारा आगीत खाक झाला होता. एका शेतकऱ्याने स्वतःच्या वस्तीवर उभा असलेला टँकर आणून पाणी टाकून आग विझवण्याचा प्रयत्न केला. मात्र आगीचा भडका उडत होता. संपूर्ण चारा जळून झाला. या घटनेत घोटेकर यांचे सुमारे सव्वा दोन लाख रुपयांचे नुकसान झाले..जनावरांचा प्रश्न उभा ठाकलास्वतःच्या शेतात पिकवलेला मका तसेच इतरत्र विकत घेऊन आणलेला मका एकत्रित करून घोटेकर यांनी मुरघास बनवला होता. एक टन क्षमतेच्या सुमारे ५५ बॅग त्यांनी भरून ठेवल्या होत्या. याशिवाय ज्वारीचा कडबा तसेच गव्हाचा भुसा देखील विकत घेऊन खळ्यावर साठवला होता. हा संपूर्ण चारा आगीत खाक झाल्यामुळे सायंकाळी जनावरांना खायला टाकण्यासाठी देखील त्यांच्याकडे काही शिल्लक नव्हते. आजूबाजूच्या शेतकऱ्यांनी त्यांच्याकडे असलेल्या चाऱ्यातून काही चारा तात्पुरती नड भागवण्यासाठी उपलब्ध करून दिला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
