कळवण, अभोणा- स्वराज्यरक्षक छत्रपती संभाजी महाराज यांच्या जीवनकार्यावर आधारित छावा हा चित्रपट पाहायला ठिकठिकाणी मोठ्या प्रमाणात गर्दी होत आहे. कळवण तालुका छत्रपती स्मारक समितीतर्फे कळवण तालुक्यातील विद्यार्थ्यांना निःशुल्क चित्रपट दाखविण्यात आला..तीन हजार ९९७ विद्यार्थ्यांना संधीकळवण तालुका छत्रपती स्मारक समितीतर्फे तालुक्यातील सुमारे तीन हजार ९९७ विद्यार्थ्यांना छावा चित्रपट निःशुल्क दाखवण्यात आला.येथील कळवण तालुका छत्रपती स्मारक समितीच्या दुसऱ्या वर्धापन दिनानिमित्त २७ फेब्रुवारी ते १० मार्चदरम्यान समितीचे अध्यक्ष भूषण पगार यांच्या संकल्पनेतून तालुक्यातील जिल्हा परिषदेच्या सर्व शाळांतील विद्यार्थी, आरकेएम विद्यालय, जानकाई विद्यालय, गुड शेफर्ड स्कूलसह इतर खाजगी शाळांमधील सुमारे तीन हजार ९९७ विद्यार्थ्यांना सटाणा येथील दगाजी चित्रमंदिर येथे छावा चित्रपट निःशुल्क दाखवण्यात आला. शंभूराजेंचा जाज्वल्य इतिहास पडद्यावर बघताना विद्यार्थ्यांनी छत्रपती शिवाजी महाराज आणि छत्रपती संभाजी महाराजांचा जयघोष केला..सोमवारी (ता. १०) या उपक्रमाचा समारोप करण्यात आला. पोलिस निरीक्षक खगेन्द्र टेंभेकर, नगराध्यक्ष कौतिक पगार, बाजार समितीचे सभापती धनंजय पवार, शिवस्मारक समितीचे अध्यक्ष भूषण पगार, राजेंद्र भामरे, रोहित पगार, गजानन सोनजे, जगन पाटील, जयेश पगार, अतुल पगार, अजय मालपुरे, शंकर निकम, एम. एल.पवार, प्रवीण संचेती, योगेश मालपुरे, प्रमोद सूर्यवंशी, आगार व्यवस्थापक राहुल बोरसे, सुधाकर खैरनार, राजेश पगार, अविनाश पगार, संदीप पगार, हरीश जाधव, सुनील महाले आदींसह शिक्षक,विद्यार्थी व शिवप्रेमी उपस्थित होते..अभोण्यात विद्यार्थ्यांसाठी सोयअभोणा : छत्रपती संभाजीराजे यांची शौर्यगाथा महाराष्ट्राचं नव्हे तर देशवासीयांच्या नसा नसात भिनलेली आहे. नवीन पिढी व विद्यार्थ्यांमध्ये इतिहासाची गोडी निर्माण व्हावी आणि छत्रपती संभाजी महाराजांचे शौर्य, बलिदान आणि राष्ट्रभक्ती समजावी. या उद्देशाने कळवण तालुका छत्रपती स्मारक समितीचे अध्यक्ष भूषण पगार यांच्या संकल्पनेतून अभोणा केंद्रातील जिल्हा परिषद शाळेतील २३० विद्यार्थ्यांना छत्रपती संभाजी महाराजांच्या जीवनावर आधारित ‘छावा’ हा चित्रपट सटाणा येथील चित्रा सिनेमा गृहात दाखविण्यात आला..चित्रपट पाहण्यासाठी निघालेल्या विद्यार्थ्यांच्या बस गाड्यांचे अभोणा येथे छत्रपती स्मारक समितीच्या कार्यकर्त्यांनी स्वागत केले. समितीचे राजू पाटील, सोमनाथ सोनवणे, डी. एम. गायकवाड, शरद पाटील, मनोहर पवार, भूषण आहेर, संजय पाटील, विजय देवरे, मनोज वेढणे, विकी शर्मा आदी उपस्थितहोते. दह्याणे पाळे जिल्हापरिषद शाळेचे मुख्याध्यापक संजय जाधव, संभाजी पवार, लतिका पवार (बार्डे), कैलास निकुंभ (शास्त्रीनगर), भरत मोरे, उज्वला ईखनकर,दौलत साबळे, चंद्रकला चव्हाण (अभोणा), धनंजय देवरे (भगुर्डी) आदी मुख्याध्यापक व शिक्षकांनी परीश्रम घेतले.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
