नाशिक- पोलिस आयुक्तालयापासून हाकेच्या अंतरावरील सरकारवाडा पोलिस ठाण्यातच दोन अंमलदारांमध्ये झालेली हाणामारी चांगलीच भोवली आहे. आयुक्तांच्या आदेशान्वये दोघांची मुख्यालयातील दंगल नियंत्रण पथकात बदली करण्यात आली. .‘सकाळ’मधून या संदर्भातील वृत्त प्रसिद्ध झाल्याने पोलिस आयुक्तांनी गंभीर दखल घेत अखेर दोघांवर कारवाईचा बडगा उगारला आहे. पोलिस आयुक्तांनी गेल्या काही दिवसांपासून बेशिस्त अंमलदारांविरोधात शिस्तीचा बडगा उगारला. गेल्या आठवड्यात अमली पदार्थ विक्रेत्यांच्या संपर्कात असल्याचा ठपका ठेवत एका अंमलदारावर निलंबनाची कारवाई केली होती..सरकारवाडा पोलिस ठाण्यात बुधवारी (ता. ९) दुपारच्या सुमारास कलेक्शन मास्टर म्हणून परिचित असलेले ‘राजपूत’ आणि हद्दीतील गोपनीयतेची माहिती ठेवणारे ‘पाटील’ हे दोघे एकमेकांना भिडले होते. चेष्टामस्करीतून सुरू झालेला संवाद अखेर वादापर्यंत पोहोचला. सदरचा वाद तिथेच न थांबता ते एकमेकांवर धावून गेले आणि क्षणात त्यांच्यात ‘दे दणादण’ सुरू झाली. या हाणामारीत दोघांच्याही अंगावरच्या शर्टांच्या चिंध्या झाल्या होत्या. वरिष्ठ निरीक्षकांनी दोघांचीही कानउघाडणी केली. तरीही यातील राजपूत ऐकून घेण्याच्या मनस्थितीत नव्हते. दरम्यान, या प्रकाराची कुठेही वाच्यता होणार नाही, याची दक्षता घेण्यात आली होती; परंतु ‘सकाळ’मध्ये गुरुवारी (ता. १०) घा घटनेचे वृत्त प्रसिद्ध झाले होते..Crime News: संतापजनक कृत्य! रात्री बाजुला झोपली, सकाळी उठली अन् गुप्तांगातून...; विकृत बापाचा ४ वर्षाच्या चिमुकलीवर अत्याचार.या वृत्तामुळे पोलिस आयुक्त संदीप कर्णिक याबाबत काय कारवाई करतील, याकडे पोलिस कर्मचाऱ्यांचे लक्ष लागून होते. दरम्यान, आयुक्तांनीही या प्रकरणाचे गांभीर्य पाहता उपायुक्तांमार्फत चौकशी अहवाल मागविला. त्या अहवालानुसार दोन अंमलदारांमध्ये ‘दे दणादण’ झाल्याचे निष्पन्न झाले. त्यामुळे आयुक्तांनी दोघांची सरकारवाडा पोलिसांतून थेट पोलिस मुख्यालयाच्या दंगल नियंत्रण पथकात उचलबांगडी केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
