1 हजार वाहनांवर GPS प्रणाली; नोंदणीसाठी 31 जुलैपर्यंत मुदत

GPS System Vehicle
GPS System Vehicleesakal

नाशिक : जिल्ह्यातील अवैधरीत्या गौण खनिजाच्या वाहतुकीवर (Illegal transportation of Secondary minerals) आळा बसविण्याच्या उद्देशाने घालून दिलेल्या नियमानंतर जिल्ह्यातील एक हजार ३१३ वाहनांवर गौण खनिज वाहतूक करणाऱ्यांकडून ‘महाखानिज’ (Mahakhanij) या अधिकृत संकेतस्थळावर (Website) नोंद करत जीपीएस प्रणाली (GPS System) वाहनांवर बसविली आहे, तसेच ज्या वाहनांनी अद्यापपर्यंत जीपीएस प्रणाली बसविली नाही अशा वाहनधारकांना ३१ जुलैपर्यंत मुदत दिली आहे. (GPS system on 1000 vehicles Deadline for registration is 31st July Nashik News)

जिल्ह्यातील अवैध उत्खननाच्या घटनांना प्रतिबंध करण्यासाठी गौण खनिज वाहतूक करणाऱ्या वाहनावर खाणपट्टाधारक, क्रशरचालकांनी जीपीएस बसवून संगणकीय प्रणालीशी इंटिग्रेट करण्याबाबत जिल्हाधिकारी गंगाथरन डी. यांनी परिपत्रक काढत बंधनकारक केले होते. तशा सूचनादेखील सर्व तहसीलदारांना दिल्या होत्या. मात्र जीपीएस प्रणाली बसवून संगणकीय प्रणालीशी इंटिग्रेट केले नसल्याचे जिल्हाधिकाऱ्यांना दिसून आले होते. त्यानंतर सर्व खाणपट्टा, क्रशरचालकांना काही दिवसांची मुदत देण्यात आली होती. त्यानंतर आतापर्यंत जिल्ह्यात एक हजार ३१३ वाहनांवर जीपीएस प्रणाली बसविल्याची माहिती जिल्हा गौण खनिज अधिकाऱ्यांनी दिली. जिल्ह्यात एकूण तीन हजार ५४४ वाहनांच्या मदतीने गौण खनिज वाहतूक केली होती.

यानुसार दोन हजार २३१ वाहने अद्यापही नोंदणीपात्र असून, त्यांची प्रक्रियादेखील सुरू आहे. दरम्यान, या सर्व वाहनांवर यंत्रणा बसविण्यासाठी शासनाने ३१ जुलैपर्यंत मुदत वाढविली आहे. या मुदतीनंतर महसूल यंत्रणेकडून नियुक्त भरारी पथकाकडून अथवा जिल्हाधिकारी नामनिर्देशित करतील, अशा व्यक्तीकडून निरीक्षणाच्या वेळी, शिवाय गौण खनिजाची वाहतूक करणारी वाहने आढळल्यास कडक कारवाईचा इशारा देण्यात आला आहे.

GPS System Vehicle
प्रशिक्षणार्थी परिचारिकेची गळफास घेत आत्महत्या

"जिल्ह्यातील एक हजार ३१३ वाहनांवर जीपीएस प्रणाली बसविण्यात आली आहे, तर दोन हजार २३१ वाहनांची नोंद होणे बाकी आहे. सद्यःस्थितीत जीपीएस यंत्रणा बसविली त्यांनाच वाहतुकीची परवानगी देण्यात आली आहे. ३१ जुलैपर्यंत जर या वाहनांवर जीपीएस प्रणाली बसविली व वाहनातून गौण खनिजाची वाहतूक होत असेल तर त्यावर कायदेशीर कारवाई केली जाणार आहे." - रोहिणी चव्हाण, जिल्हा गौण खनिज अधिकारी

GPS System Vehicle
Nashik : पूरस्थितीत अतिरिक्त बससेवा राज्य परिवहन महामंडळाचे नियोजन

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com