त्र्यंबकेश्वर- शक्तिदेवता हनुमानाचे जन्मस्थान असलेल्या अंजनेरी गडावर शनिवारी (ता. १२) पहाटेपासूनच भाविकांची गर्दी झाली होती. त्र्यंबकेश्वर येथेही ठिकठिकाणी मंत्रोच्चारात श्री महाबली हनुमानाचा जन्मोत्सव साजरा करीत विविध धार्मिक कार्यक्रम झाले..महामंडलेश्वर जगद्गुरू शांतीगिरी महाराजांच्या भक्तांचे प्रतिवर्षीप्रमाणे गावात अनुष्ठान झाले. शुक्रवारी त्र्यंबकेश्वर ज्योतिर्लिंगाचे दर्शन करून साधुमहंत व अनुष्ठान करणाऱ्या भक्तांची सवाद्य मिरवणूक काढण्यात आली. शनिवारी हनुमानाचा जन्मदिवस असल्याने पहाटेपासूनच भक्तांनी अंजनेरी गडावर जाण्यासाठी गर्दी केली होती. .पायऱ्या लागेपर्यंत फार तसदी होत नव्हती, तुटलेल्या पायऱ्या व रस्त्यात मोठे दगड पार करीत भक्त अंजनीमाता मंदिराजवळ पोचल्यावर सूर्योदय कालावधीत अंजनीमाता व हनुमानाची विधिवत पूजा करून हनुमानाचा जयघोष करण्यात आला. जगद्गुरू शांतीगिरी महाराज व उपस्थित भक्त व ग्रामस्थ आणि हनुमान जन्मोत्सव समिती अंजनेरी यांनी कार्यक्रमाचे नियोजन केले. अंजनेरी गडाच्या पायथ्याशी असलेल्या हनुमान मंदिरातही जन्मोत्सव उत्साहात साजरा झाला..भाविकांवर मधमाश्यांचा हल्लाअंजनेरी गडावर चढताना आग्यामोहळातील मधमाश्यांनी हल्ला केल्याने भाविकांची थोडावेळ पळापळ झाली होती. जखमी झालेल्या दोन महिलांसह तीन मुलींवर त्र्यंबकेश्वर येथे उपचार करण्यात आले. त्यानंतर त्यांना घरी पाठविण्यात आले. .अंजनेरी गावातील योगिता ज्ञानेश्वर चव्हाण (वय ३५), वेणू किसन ढगे (५५), तनुजा अमोल ढगे (९), समीक्षा अमोल ढगे (१८), मानसी ज्ञानेश्वर चव्हाण (१६) या सकाळी गावातून जात असताना मधमाश्यांनी हल्ला केल्याने जखमी झाल्या. उपजिल्हा रुग्णालयात डॉ. अपूर्वा उपाध्याय व सहाय्यक कर्मचारी नारकर यांनी उपचार केले. जखमींचा आकडा अधिक असण्याची शक्यता या वेळी वर्तविण्यात आली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
