भयानक! 'माझा माल सिल्वासा येथे का पाठवला नाही!'...अन् रागाच्या भरात त्याने चक्क

नाशिक : पंचवटीतील शरदचंद्र पवार मार्केट यार्डमध्ये माल न पाठविल्यावरून एकाने चॉपरने मारून रोकड हिसकावून पोबारा केल्याची घटना घडली. या प्रकरणी पंचवटी पोलिसांत गुन्हा दाखल करण्यात आला आहे. 

असा आहे प्रकार

संतोष घुले (वय 28, रा. दत्तनगर, पेठ रोड, पंचवटी) असे संशयिताचे नाव आहे. तुळशीराम सोनवणे (रा. आनंदवन, तारवालानगर, पंचवटी) यांच्या फिर्यादीनुसार, बुधवारी (ता. 25) तुळशीराम सोनवणे, अमोल मुर्तडक, मुन्ना परदेशी हे तिघे मार्केट यार्डातील वालझाडे कंपनीसमोर गप्पा मारत उभे होते. त्या वेळी संशयित संतोष घुले त्या ठिकाणी आला. त्याने माझा माल सिल्वासा येथे का पाठवला नाही, अशी कुरापत काढून लाकडी दांडक्‍याने मारले. त्यानंतर संशयिताने त्याच्या कंबरेचा चॉपर काढून तुळशीराम यांच्या पायाच्या मांडीवर मारून दुखापत केली. त्यांच्या खिशातील 20 हजारांची रोकड बळजबरीने हिसकावून पोबारा केला. 

हेही वाचा > रक्ताच्या थारोळ्यात बेशुद्ध अवस्थेत पडलेल्या 'त्या' अनोळखी तरुणाच्या मदतीला देवदूतासारखा धावून आला!

या प्रकरणी पंचवटी पोलिसांत गुन्हा दाखल करण्यात आला. 

हेही वाचा > #Lockdown : ...अन् कामानिमित्त गेलेल्या 'त्या' युवकांच्या परतीच्या प्रवासाची परवानगी मिळाल्याने नातेवाइकांचा जीव भांड्यात पडला!