Nashik Crime News : सिन्नरला लाखाचा 1.16 लाखांचा अवैध गुटखा जप्त!

सिन्नर (जि. नाशिक) : येथील बारागावपिंप्री रस्त्यावर विजयनगर भागात घर व किराणा दुकानावर सोमवारी (ता.९) जिल्हा पोलिस प्रमुखांच्या विशेष पथकाने छापा टाकून १ लाख १६ हजार ७२७ रुपयाचा गुटखा, सुगंधी तंबाखू व पानमसाला जप्त केला.

याप्रकरणी दीपक भास्कर घोरपडे (३६) यास अटक करुन न्यायालयासमोर हजर केले असता न्यायालयाने जामिनावर सुटका केली. (illegal Gutkha worth Rs 1 Lakh seized from Sinnar Nashik Crime News)

हेही वाचा : या महामार्गामुळं खरंच येईल 'समृद्धी'?

पोलिसांनी दिलेल्या माहितीनुसार शहरातील विजयनगर भागात असलेल्या दीपक भास्कर घोरपडे यांच्या कृष्णा ट्रेडर्स या दुकानात व घरात गुटखा सुगंधी तंबाखू व पानमसाला यांचा साठा असल्याची माहिती मिळाली होती.

त्याआधारे दुकान व घरात छापा टाकण्यात आला. पोलिस शिपाई सूरज कुमावत यांनी सिन्नर पोलिस ठाण्यात संशयित दीपक घोरपडे यांच्या विरोधात फिर्याद दिली. पोलिस निरीक्षक संतोष मुटकुळे यांच्या मार्गदर्शनाखाली सहाय्यक पोलिस उपनिरीक्षक रामदास धुमाळ तपास करीत आहेत.