Independence Day 2023: ‘घरोघरी तिरंगा’ अभियानासाठी जिल्हाधिकाऱ्यांचे आवाहन

Independence Day 2023 : स्वातंत्र्याच्या अमृतमहोत्सवी वर्षानिमित्त जिल्ह्यात १३ ते १५ ऑगस्टदरम्यान ‘घरोघरी तिरंगा’ अभियान राबविण्यात येणार आहे. अधिकाधिक नागरिकांनी सहभागी व्हावे, असे आवाहान जिल्हाधिकारी जलज शर्मा यांनी केले. (Independence Day 2023 Collectors appeal for Ghroghari Triranga campaign nashik)

हेही वाचा : Credit Card फसवणूक....काय घ्याल काळजी?

अभियानात जिल्ह्यातील नागरिकांनी घर, इमारतीवर तिरंगा ध्वज फडकवावा, भारतीय स्वातंत्र्याच्या अमृतमहोत्सवानिमित्त नागरिकांच्या मनात स्वातंत्र्यलढ्याच्या स्मृती तेवत राहाव्यात, या लढ्यातील क्रांतिकारक अज्ञात नायकांच्या घडलेल्या विविध घटनांचे स्मरण व्हावे,

प्रखर देशभक्तीची भावना कायमस्वरूपी जनमानसात राहावी, या उद्देशाने आपल्या वैभवशाली इतिहासाचे अभिमानपूर्वक स्मरण करण्यासाठी स्वातंत्र्याच्या अमृतमहोत्सवाच्या सांगता समारोप कार्यक्रमानिमित्त ‘घरोघरी तिरंगा’ अभियान होणार आहे.

जिल्ह्यातील टपाल कार्यालयात तिरंगा ध्वज विक्रीसाठी उपलब्ध आहे. घरोघरी तिरंगा हा १३ ते १५ ऑगस्टदरम्यान फडकलेला असेल. रोज सायंकाळी उतरविण्याची आवश्यकता नाही. मात्र, कार्यालयांनी ध्वजसंहिता पाळावी, असेही आवाहन केले आहे.