Nashik Crime News : सातपूर परिसरातील अशोकनगरमध्ये भांडी पॉलिश करण्याचे काम करणाऱ्या दोघांनी ६० वर्षीय महिलेचे १ लाख ५३ हजारांचे दागिने पॉलिश करून देण्याचे बहाण्याने लंपास केल्याचा प्रकार उघडकीस आला आहे.
याप्रकरणी सातपूर पोलिसात गुन्हा दाखल करण्यात आला आहे. (Jewels worth 1 and half lakh were stolen pretending of polishing nashik crime news)
श्रीमती दर्शना सुरेश गोयल (रा. मॉडन स्कूलच्या मागे, अशोकनगर, सातपूर) यांच्या फिर्यादीनुसार, गेल्या शुक्रवारी (ता. १५) सकाळी दहा-साडेदहा वाजेच्या सुमारास ३५ ते ४५ वयोगटातील दोन अज्ञात इसम भांडे पॉलिश करण्याचे काम करणारे आले होते. त्यांनी परिसरातील काही ग्राहकांची भांडी पॉलिश करून दिली. श्रीमती गोयल यांचीही भांडी पॉलिश केली.
त्यावेळी संशयितांनी त्यांना, तुमच्याकडील सोने असेल तेही पॉलिश करून देणे असे म्हणून त्यांचा विश्वास संपादन केला. त्यांनीही घरातील १ लाख ५३ हजार ३०० रुपयांचे विविध प्रकारे सोन्याचे दागिने पॉलिश करून देण्यासाठी दोघा संशयितांकडे दिले.
संशयितांनी ते दागिने पॉलिशच्या बहाण्याने घेऊन श्रीमती गोयल यांची नजर चुकवून हातचलाखीने काढून घेतले आणि त्यानंतर बंद भांडे त्यांच्याकडे देत जरावेळाने उघडण्यास सांगितले.
त्यानंतर संशयित पसार झाले. श्रीमती गोयल यांनी ते भांडे उघडून पाहिले असता त्यात दागिने नव्हते. फसवणूक झाल्याचे लक्षात येताच त्यांनी सातपूर पोलीस ठाणे गाठले आणि तक्रार दिली. त्यानुसार, फसवणुकीचा गुन्हा दाखल करण्यात आला असून, सहायक निरीक्षक राजू पठाण हे तपास करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.