Crime News : बालगुन्हेगारी रोखण्याचे पोलिसांसमोर आव्हान

नाशिक- गेल्या काही दिवसांमध्ये अल्पवयीन गुन्हेगारांचे वाढते प्रमाण पोलिसांसाठी डोकेदुखी ठरते आहे. कामटवाड्यात करण चौरे या बालगुन्हेगाराचा दगडाने ठेचून खून केल्याची घटना सोमवारी (ता.२८) घडली असून, याप्रकरणी अटक केलेल्या संशयितांमध्ये दोन अल्पवयीन मुलांचाही समावेश आहे. .तर, करण चौरे यानेही गेल्या ८ मार्चला गंगापूर हद्दीत अरुण बंडी याचा खून केला होता. यासह अनेक गंभीर स्वरूपाच्या गुन्ह्यांमध्ये अल्पवयीन मुलांचा सहभाग निष्पन्न झाला आहे. दरम्यान, अल्पवयीन मुलांमधील भाईगिरी हेरून त्यांना नशा, मौजमजेची सवय लावणारे सराईत गुन्हेगार त्यांचे हेतू साध्य करीत असल्याने वाढती बालगुन्हेगारी पोलिसांसमोर आव्हान ठरत आहे..शहरात उपनगरीय वसाहतीमध्ये कामगार वर्ग बहुसंख्येने आहे. पालक कामानिमित्ताने घराबाहेर पडल्यानंतर मुले शाळेत न जाता टवाळखोरांच्या नादी लागतात. टवाळखोर वा सराईत गुन्हेगार अल्पवयीन मुलांना खाण्या-पिण्याचे आमिष दाखवून त्यांच्याकडून गुन्हेगारी कृत्य करवून घेतात. मंगल कार्यालये, रेल्वेस्थानक, बसस्थानक, आठवडेबाजार, गर्दींच्या ठिकाणी चोऱ्या करणारी अल्पवयीन मुलांच्या टोळ्या कार्यरत आहेत. .सिडको, सातपूर, उपनगर, नाशिक रोड, पंचवटी, जुने नाशिक या परिसरात अल्पवयीन बालगुन्हेगारांच्या टोळ्या सक्रिय आहेत. सराईत गुन्हेगारांकडून चोऱ्या, घरफोड्या, वाहन चोरी, सोनसाखळी ओरबाडणे, प्राणघातक हल्ले, खून, दरोडा, लूटमार या सारख्या गंभीर गुन्ह्यांमध्ये अल्पवयीन मुलांचा सर्रासपणे वापर केला जातो असल्याचे अनेक गुन्ह्यातून समोर आले आहे..बालगुन्हेगारांचे अड्डेगंगाघाट, निमाणी बसस्थानक, मालेगाव स्टॅंड, पंचवटी कारंजा, पेठरोड, फुलेनगर, बाजार समिती, आठवडे बाजार, नाशिक रोड रेल्वेस्थानक, तीनही बसस्थानक, औद्योगिक वसाहती..हिंसकवृत्तीत वाढ२०२३ मध्ये त्र्यंबकेश्वर येथील आधारतीर्थ आश्रमात लहानग्या चिमुरड्याचा आश्रमातीलच १२ वर्षांच्या मुलाने गळा आवळून खून केला होता. तर मागीलवर्षी उपनगर हद्दीमध्ये अल्पवयीन मुलाने अल्पवयीन मतिमंद मुलावर अनैसर्गिक अत्याचार केल्याने त्याच्या मृत्यूनंतर उघडकीस आले होते. सिडको, सातपूर, नाशिक रोड, पंचवटी या कामगार वसाहतींमध्ये अल्पवयीन मुले कमरेला चाकू, सुरे, कोयत्यासारख्या हत्यारे घेऊन वावरतात. मारहाण, तोडफोड, मुलींचे अपहरण, वार करणे, चोऱ्या-माऱ्यांमध्ये बालगुन्हेगारांचाच सहभाग मोठ्याप्रमाणात असतो. साधारणतः: १६ ते १८ वयोगटातील बाल गुन्हेगारांमध्ये हिंसकवृत्तीत वाढ झाल्याचे दिसून येते आहे..सोशल मीडियाचा प्रभावअलीकडे सोशलमीडियावर भाईगिरी करीत रिल्स बनविण्याचे फॅड अल्पवयीन मुलांमध्ये आहे. त्यातच पालकांप्रमाणेच मुलांच्याही हाती स्मार्टफोन आला आहे. त्याचा वापर उपयुक्ततेऐवजी रिल्स बनविण्याकडे जास्त कल आहे. तीन वर्षांपूर्वी सिडकोत युवकाचा खून करून संशयित तरुणांनी सोशलमीडियावर रिल्स टाकले होते. भाईगिरी, एकमेकांना धमकावण्यासाठीही रिल्स बनविले जातात. दुसरीकडे पालकांशी मुलांचा संवाद राहिलेला नाही. मुले घराबाहेर काय करतात हे पालकांना माहीत नसते. कमी वयात मुलांना वाईट संगतीमुळे नशेच्या विळख्यात सापडून गुन्हेगारीकडे वळू लागली आहेत..कारवाईला वयाचा अडसरअल्पवयीन वयोमर्यादा १८ वर्षाआतीलपर्यंत आहे. तर बालगुन्हेगारीमध्ये १६ ते १८ वयोगटातील मुलांचे प्रमाण अधिक आहे. गुन्ह्यात अल्पवयीन मुलांना अटक करता येत नाही. अदखलपात्र गुन्हा असेल तर पालकांसमक्ष समज दिली जाते. गंभीर गुन्हा असेल तर बालनिरीक्षणगृहात रवानगी करून बाल न्यायालयात खटला चालविला जातो. त्यातही फारशी कठोर शिक्षा नसल्याने १६ ते १८ वयोगटातील बालगुन्हेगार सज्ञान होऊन अट्टल गुन्हेगारीकडे वळताना दिसतो. त्यामुळेच अल्पवयीन गुन्हेगारांना वापर सराईत सर्रासपणे करून घेतात..Rahuri : राहुरीत रस्ता लुटीच्या टोळीचा पर्दाफाश; न्यायालयाने पाच दिवसांची सुनावली पोलिस कोठडी सुनावली.पालकांच्या दुर्लक्षामुळे मुले गुन्हेगारीकडे वळतात. कामगार वसाहतीतील सर्वाधिक मुले शाळांमध्ये जात नसल्याने ते टवाळखोरीकडे वळतात आणि त्यातून ते बालगुन्हेगार होतात. पोलिसांना कठोर कारवाई करता येत नाही. परंतु ते बालगुन्हेगारीकडे वळू नयेत, त्यासाठी सामाजिक दायित्वातून उपाययोजना राबविल्या जातात. बालगुन्हेगारांचे समुपदेशनाच्या माध्यमातून त्यांना समाजाच्या मुख्य प्रवाहात आणले जाते.-प्रशांत बच्छाव, पोलिस उपायुक्त, शहर गुन्हे शाखा.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.