नाशिक- भारत पाकिस्तानमधील युद्धजन्य परिस्थितीमुळे जीवनावश्यक वस्तूंच्या किमतीवर कुठलाही परिणाम होणार नाही. स्थानिक बाजारात तूरडाळ, मूगदाळ व तेलाची मागणी वाढल्याने एका किलोमागे चार ते पाच रुपयांची वाढ झाली आहे. .पाकिस्तानमार्गे येणारे खारीक, काळे मनुके, अंजीर यांच्या किमती शंभर ते दीडशे रुपयांनी महागल्या आहेत. भारतात येणारा सुका मेवा हा अफगाणिस्तानवरून येतो. मात्र, भारतात येण्यासाठी त्यांना पाकिस्तानच्या परवानगीची आवश्यकता असते. वाघा बॉर्डर व अटारी सीमा या दोन मार्गांनी भारतात त्यांना प्रवेश मिळतो. परंतु, भारत व पाकिस्तानमध्ये सध्या युद्ध सुरू असल्यामुळे हा व्यापार बंद झाला आहे. .देशांतर्गत मालाची मागणी कायम असल्याने सुका मेव्याचे दर दिवसेंदिवस वाढीस लागले आहेत. खारीक प्रतिकिलो २०० रुपयांनी महागले, तर काळे मनुके ७० रुपये, अंजीर २०० रुपयांनी महागल्याचे किराणा व्यापारी सांगतात. परंतु, या जीवनावश्यक वस्तू नसल्याने त्यांच्या किमतीत बदल झाला तरी, मानवी जीवनावर त्याचा थेट परिणाम होणार नाही. .जीवनावश्यक वस्तूंच्या बाबतीत भारत सक्षम असल्याने त्यांचा पुरवठा स्थानिक बाजारातूनच होतो. काही दिवसांपासून वाहतूकव्यवस्था काही प्रमाणात विस्कळित झाली होती. त्याचा परिणाम खाद्यतेलाच्या किमतीवर झाला आहे. खाद्यतेल प्रतिलिटर तीन ते चार रुपयांनी महागले आहे. जीवनावश्यक वस्तूंच्या किमतीवर युद्धजन्य परिस्थितीचा काहीच परिणाम होणार नसल्याचे स्थानिक व्यापारी सांगतात..भाजीपाला महागलाअवकाळी पावसामुळे शेतमालाचे नुकसान झाले आहे. परिणामी, भाजीपाल्याचे दर काही प्रमाणात वाढले आहेत. मेथीची जुडी ३० रुपयांना, तर कोथिंबीर २० रुपयांना, लिंबू २० रुपयांना चार आजही मिळतात. गेल्या दोन आठवड्यांपासून त्यांच्या दरात तेजी कायम आहे. हिरवी मिरची, वांगे, टोमॅटो २० रुपये पावशेर, गिलके, दोडके ४० रुपये किलो, तर बटाटे व कांदे शंभर रुपयांना चार ते पाच किलो यादराने मिळतात. किरकोळ बाजारात शंभर रुपयांना पाच किलो कांद्याची विक्री होताना दिसते. पालक, शेपू २० रुपयांना जुडी मिळते. गेल्या आठवड्याच्या तुलनेत पाच ते दहा रुपयांची वाढ झालेली दिसून येते..Mango Season : कर्नाटक आंब्याचा हंगाम बहरला! मागणी वाढली, कोकणातील हापूसचा हंगाम अंतिम टप्प्यात.ग्राहकांनी घाबरून न जाता आवश्यक तेवढाच किराणा खरेदी करावा. अचानक मागणी वाढल्यास किमतीत वाढ होते. जीवनावश्यक वस्तूंच्या किमतीत फार वाढ होणार नसल्याने ग्राहकांनी काळजी करण्याचे कारण नाही.- प्रफुल्ल संचेती, अध्यक्ष ः नाशिक धान्य व किराणा असोसिएशन.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
