नाशिक- बारावीनंतर विविध अभ्यासक्रमांत प्रवेशासाठी आयोजित केलेली एमएचटी-सीईटी परीक्षा अंतिम टप्प्यात आली आहे. गेल्या काही दिवसांपासून पीसीएम ग्रुपची परीक्षा सुरू होती. रविवारी (ता. २७) या परीक्षेचा शेवटचा दिवस आहे. .अभियांत्रिकी, औषधनिर्माणशास्त्र व कृषी संलग्न अभ्यासक्रमांच्या पदवी अभ्यासक्रमाच्या प्रथम वर्षाला प्रवेशासाठी एमएचटी-सीईटी परीक्षेचे आयोजन केले होते. सीईटी सेलतर्फे आयोजित या परीक्षेतील पहिल्या टप्प्यात ९ ते १७ एप्रिल या कालावधी भौतिकशास्त्र, रसायनशास्त्र आणि जीवशास्त्र अर्थात पीसीबी या ग्रुपची परीक्षा झाली होती. .सकाळ आणि दुपार सत्रात पार पडलेल्या या परीक्षेत भौतिकशास्त्र विषयासह जीवशास्त्राच्या प्रश्नांची काठिण्य पातळी अधिक राहिल्याचे विद्यार्थ्यांनी सांगितले होते. त्यानंतर दुसऱ्या टप्प्यात गेल्या १९ एप्रिलपासून पीसीएम ग्रुपची परीक्षा सुरू आहे. पीसीबी ग्रुपच्या परीक्षेला ९५ टक्के सरासरी उपस्थिती राहिली होती..तुलनेत पीसीबी ग्रुपच्या परीक्षेला सरासरी उपस्थितीचे प्रमाण ९४ टक्के आहे. रविवारी (ता. २६) परीक्षेचा शेवटचा दिवस असून, त्यानंतर विद्यार्थ्यांना निकालाची प्रतीक्षा लागून राहणार आहे. उत्तरतालिका जाहीर करण्यासह इतर प्रक्रिया पूर्ण केल्यानंतर मेमध्ये निकाल जाहीर केला जाण्याची शक्यता आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
