दुष्काळ निवारणासाठी गावागावांत वनराई बंधारे बांधावेत

दुष्काळ निवारणासाठी गावागावांत वनराई बंधारे बांधावेत
Published on: 
NSK26H34980 नंदुरबार : आढावा बैठकीस उपस्थित मंत्री आदिती तटकरे. शेजारी खासदार ॲड. गोवाल पाडवी, आमदार आमश्या पाडवी, आमदार राजेश पाडवी, जिल्हाधिकारी डॉ. मिताली सेठी, जिल्हा परिषदेचे मुख्य कार्यकारी अधिकारी नमन गोयल, पोलिस अधीक्षक अश्विनी सानप, अपर जिल्हाधिकारी धनंजय गोगटे, माजी खासदार डॉ. हीना गावित, आचल वसावे. --- जलसंधारणासाठी गावागावांत वनराई बंधारे बांधा दुष्काळ निवारण बैठकीत मंत्री आदिती तटकरे यांचे निर्देश; गाळ काढण्यास प्राधान्य सकाळ वृत्तसेवा नंदुरबार, ता. १४ : हवामान बदलामुळे पाण्याचे बाष्पीभवन वाढून उपलब्ध जलसाठा कमी होत आहे. संभाव्य पाणीटंचाईवर मात करण्यासाठी कृषी व वन विभागाच्या समन्वयातून गावागावांत वनराई बंधारे बांधावेत. रोजगार हमी योजना, ग्रामस्थांच्या सहभागातून जलसंधारणाची कामे वर्षभर राबवावीत. तसेच पाणीसाठा वाढविण्यासाठी बंधाऱ्यांमधील गाळ काढण्याची कामे प्राधान्याने हाती घ्यावीत, असे निर्देश महिला व बालविकासमंत्री आदिती तटकरे यांनी दिले. जिल्हाधिकारी कार्यालयात आयोजित दुष्काळ निवारण आढावा बैठकीत त्या बोलत होत्या. या वेळी खासदार ॲड. गोवाल पाडवी, आमदार आमश्या पाडवी, आमदार राजेश पाडवी, जिल्हाधिकारी डॉ. मिताली सेठी, जिल्हा परिषदेचे मुख्य कार्यकारी अधिकारी नमन गोयल, पोलिस अधीक्षक अश्विनी सानप, अपर जिल्हाधिकारी धनंजय गोगटे, माजी खासदार डॉ. हीना गावित, एक दिवसाच्या जिल्हाधिकारी बनलेल्या आचल वसावे आदी उपस्थित होते. मंत्री आदिती तटकरे म्हणाल्या, की जलजीवन मिशनअंतर्गत ७० टक्के काम पूर्ण झालेल्या आणि उर्वरित कामांसाठी निधी मिळवून देण्यासाठी विभागांनी समन्वय साधावा. वाढत्या तापमानामुळे शाळा व अंगणवाड्यांच्या वेळांमध्ये स्थानिक परिस्थितीनुसार बदल करण्याचे अधिकार जिल्हाधिकाऱ्यांना देण्यात आले आहेत. स्थलांतरित मजुरांच्या कुटुंबांना अन्य जिल्ह्यांतही अंगणवाडीचा पोषण आहार मिळावा, यासाठी संबंधित जिल्ह्यांशी समन्वय साधण्यात येणार आहे. वन विभागाच्या अधिकाऱ्यांनी प्रस्तावित कामांना तातडीने मंजुरी द्यावी. बंधारे आणि जलसाठ्यांमधील गाळ शेतकऱ्यांना विनामूल्य उपलब्ध करून द्यावा. दुष्काळाच्या पार्श्वभूमीवर लोकप्रतिनिधींना विश्वासात घेऊन दरमहा आढावा बैठक घ्यावी. पाणीटंचाई आराखड्यात दर तीन महिन्यांनी आवश्यक सुधारणा कराव्यात. खासदार ॲड. गोवाल पाडवी, आमदार आमश्या पाडवी, माजी खासदार डॉ. हीना गावित यांनी विविध सूचना केल्या. जिल्हाधिकारी डॉ. सेठी यांनी जिल्ह्यात दुष्काळाच्या पार्श्वभूमीवर सुरू असलेल्या उपाययोजनांची माहिती दिली. --- चौकट फोटो : NSK26H34978 नंदुरबार ः मंत्री आदिती तटकरे यांना मागण्यांचे निवेदन सादर करताना डॉ. हीना गावित, डॉ. सुप्रिया गावित. डॉ. हीना गावित यांच्या सूचनांची दखल दुष्काळाच्या पार्श्वभूमीवर आढावा बैठकीत माजी खासदार डॉ .हीना गावित यांनी विविध समस्यांकडे अधिकाऱ्यांचे लक्ष वेधले. मंत्री तटकरे यांनी डॉ. गावित यांच्या सूचनांची दखल घेण्याबाबत अधिकाऱ्यांना निर्देश दिलेत. भाजप अनुसूचित जमाती मोर्चाच्या प्रदेश उपाध्यक्ष डॉ. सुप्रिया गावित यांचीही व्यासपीठावर उपस्थिती होती. दुष्काळाच्या पार्श्वभूमीवर पाणीटंचाई, रोजगार हमी योजनेंतर्गत सुरू असलेली कामे, धान्यसाठा, जनावरांसाठी चारा उपलब्धता, नैसर्गिक आपत्तीग्रस्त शेतकऱ्यांचे अनुदान वितरण, स्थलांतरित मजुरांचे प्रश्न, प्रस्तावित कामे आदी विविध विषयांवर डॉ. हीना गावित यांनी भूमिका मांडली. या वेळी डॉ. हीना गावित, डॉ. सुप्रिया गावित यांनी दुष्काळासंदर्भात करावयाच्या उपाययोजनांबाबत लेखी निवेदन सादर केले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.