Maharashtra grape exporters face declining certified export volumes amid rising costs, climate challenges and global competition.
esakal
लासलगाव : महाराष्ट्राच्या कृषी अर्थव्यवस्थेचा महत्त्वाचा आधार असलेल्या द्राक्ष निर्यातीला गेल्या तीन वर्षांत उतरती कळा लागल्याचे आकडेवारीवरून स्पष्ट होत आहे. २०२३-२४ मध्ये निर्यातीसाठी तीन लाख ३८ हजार २५६ टन द्राक्षांना फाइटोसॅनिटरी प्रमाणपत्रे (पीएससी) देण्यात आली होती. २०२५-२६ मध्ये हे प्रमाण दोन लाख ४९ हजार ५३५ मेट्रिक टनांवर आले. त्यामुळे तीन वर्षांत प्रमाणित द्राक्ष निर्यातीत सुमारे २६ टक्क्यांची घट झाली आहे.
प्लँट क्वारंटाइन विभागाच्या आकडेवारीनुसार, २०२३-२४ मध्ये २१ हजार २३३ पीएससी जारी करण्यात आली होती. २०२४-२५ मध्ये ही संख्या १७ हजार ७७, तर २०२५-२६ मध्ये १४ हजार ३२८ वर आली. प्रमाणपत्रांची घटती संख्या निर्यात क्षेत्रासमोरील आव्हाने अधोरेखित करते.
