नाशिक- ‘महावितरण’कडून वीज दरात कपात केल्याचा दावा करण्यात येत असला, तरी प्रत्यक्षात नागरिकांच्या वीजबिलांवर ‘स्थिर आकार’ वाढीचा जादा भार बसतो. त्यामुळे वीजदर कपातीच्या घोषणेवरच संभ्रम निर्माण झाला आहे..वीजदर कपात करूनही स्थिर आकारात वाढ झाल्याने ग्राहकांच्या मासिक बिलात १० ते १५ टक्क्यांनी वाढ होण्याची शक्यता आहे. त्यामुळे एका बाजूने दर कमी करून दुसऱ्या बाजूने दर वाढविण्यात आल्याने वीज ग्राहकांची दिशाभूल झाली, अशी भावना व्यक्त केली जात आहे..‘महावितरण’च्या वीजदर कपातीसंदर्भातील निर्णयावर सुरुवातीपासूनच वाद निर्माण झाला होता. वीजदर प्रत्यक्षात कमी होणार की वाढणार, याबाबतच ग्राहकांमध्ये संभ्रम होता. दर कपात जरी झाली असली, तरी स्थिर आकार, वीज वहन दर आणि इतर शुल्कात वाढ करण्यात आली. त्यामुळे सरळ-सरळ ग्राहकांच्या खिशावर ताण पडेल, असे मत वीज ग्राहक संघटनांकडून व्यक्त करण्यात येत आहे..कोणता लाभ, कोणती झळ?नवीन दरपत्रकानुसार दारिद्र्यरेषेखालील ग्राहकांसाठी स्थिर आकारात कोणताही बदल करण्यात आलेला नाही. त्या ग्राहकांना दर महिन्याला ३४ रुपये इतकाच स्थिर आकार आकारला जाणार आहे. तसेच, १०० युनिटपर्यंत वीज वापरणाऱ्यांना काही प्रमाणात दिलासा मिळेल..ई-वाहन चार्जिंगसाठी दरवाढई-वाहन चार्जिंग स्टेशनवर प्रतियुनिट दर आठ रुपये ४७ पैशांवरून आता नऊ रुपये १० पैसे इतका करण्यात आला आहे. ही वाढ मंगळवार (ता. १५)पासून लागू होईल..Pune News: राज्यात धरणसाठा ६० टक्क्यांवर; पुणे विभागात मुबलक पाणी, जोरदार पावसाने काही भागांत पूरस्थिती.दरकपात की दरवाढ? - ग्राहकांमध्ये संभ्रमसंपूर्ण दरपत्रक पाहता काही श्रेणींमध्ये प्रतियुनिट दर कमी करण्यात आला असला, तरी बहुतांश ग्राहकांसाठी ही ‘कपात’ फक्त नावापुरती ठरत आहे. प्रत्यक्षात स्थिर आकार आणि इतर शुल्कांत वाढ झाल्याने दरवाढीचा परिणाम नागरिकांच्या महिन्याच्या खर्चावर जाणवेल..‘महावितरण’ने दरकपात जाहीर करून प्रत्यक्षात दरवाढ केली आहे. यामुळे प्रत्येक महिन्याला वीजबिलामुळे ग्राहकांच्या खिशाला झळ बसेल.- सुरेश पाटील, उपाध्यक्ष, नाशिक जिल्हा ग्राहक पंचायत.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
