Nashik : अल्पवयीन तरुणीचा विनयभंग करणाऱ्यास अटक

जुने नाशिक : अल्पवयीन मुलीचा (Minor Girl) विनयभंग (Molestation) केल्याप्रकरणी भद्रकाली पोलिस ठाण्यात बुधवारी (ता. ६) एका संशयितांविरुद्ध गुन्हा दाखल करण्यात आला. सरफराज इम्तियाज असे त्याचे नाव आहे. वर्षभरापासून संशयित सरफराज इम्तियाज तरुणीची छेड काढत होता. (Man arrested for molesting minor girl Nashik Crime News)

मुलीने घडलेला प्रकार कुटुंबीयांना सांगितला. त्यांनी त्याची समजूत काढली. त्याच्या कुटुंबीयांनादेखील माहिती दिली. त्रास देणार नसल्याचे संशयिताने सांगितले. दरम्यान, तरुणी कुटुंबीयांसह वर्षभरापूर्वी परिसर सोडून दुसरीकडे राहण्यास गेली. संशयिताने त्या ठिकाणी जाऊनदेखील तिला त्रास देणे सुरू ठेवले. रविवारी (ता. ३) तरुणी कुटुंबीयांसह रिक्षातून जात असताना संशयिताने त्याची चारचाकी रिक्षासमोर आडवी लावली. त्यांना शिवीगाळ करू लागला. तरुणीचा हात धरून तू लग्न केले नाहीस तर आत्महत्या करून घेईन, अशी धमकी दिली. तिच्या वडिलांनी त्यास पकडण्याचा प्रयत्न केला. त्यांना धक्का देत संशयिताने तेथून पळ काढला, असे दिलेल्या तक्रारीत नमूद करण्यात आले आहे. घटनेचे गांभीर्य लक्षात घेत तिच्या तक्रारीवरून भद्रकाली पोलिस ठाण्यात बाल लैंगिक अत्याचार प्रतिबंधक कायद्याअंतर्गत आणि विनयभंगाचा गुन्हा दाखल करण्यात आला. संशयित सरफराज इम्तियाज यास पोलिसांनी अटक केली आहे.