नाशिकमध्ये ओमिक्रॉनचा धोका? आफ्रिकेतून आलेला संशयित पॉझिटिव्ह

omicron
omicronSakal

सिडको, (नाशिक) : सिडको भागातील हॉटेल मध्ये असलेल्या दक्षिण आफ्रिकेतून आलेल्या नागरिकाचा कोरोना अहवाल (Corona Test) पॉझिटिव्ह आला आहे. मनपा सिडको वैदयकिय विभागाने हॉटेलला भेट देऊन संपर्कात आलेल्या बारा कर्मचाऱ्यांची आरटीपीसीआर (RT PCR) तपासणीसाठी पाठविला आहे. ओमिक्रॉनच्या (Omicron Variant) पार्श्वभूमीवर त्यांचे नमुने जिनोम सिक्वेन्सिंगसाठी पाठवण्यात आले आहेत. त्यामुळे नाशिककरांची चिंता वाढली असून, आरोग्य यंत्रणेसह जिल्हा प्रशासन सतर्क झाले आहे. कोरोना पॉझिटिव्ह रुग्णांवर मनपाच्या रुग्णालयात उपचार सुरू आहे.

दक्षिण आफ्रिकेच्या माली या देशातून तीन नागरिक नाशिकमध्ये व्यवसाय संदर्भात आले होते. सिडको परिसरातील एका हॉटेलमध्ये वास्तव्यास होते.संबंधित नागरिकांची कोरोना चाचणी करण्यात आली. त्यामध्ये एका नागरिकाचा अहवाल पॉझिटिव्ह आला असून, दोन नागरिकांचा अहवाल निगेटिव्ह आला आहे. मनपा सिडको वैदयकीय विभागाने त्वरीत दखल घेतली. वैदयकीय अधिकारी डॉ.बाजी यांच्या नेतृत्वाखाली डॉक्टर व कर्मचारी यांनी संबधीत हॉटेलला भेट दिली. संबधीत रुग्णाच्या संपर्कात आलेल्या १२ कर्मचारी यांचा आरटीपीसीआर तपासणी साठी पाठविला आहे. तसेच संपर्कात आलेल्या नागरिकांचा आरोग्य विभागातर्फे शोध घेतला जात आहे. तसेच, जिनोम स्क्वेन्सिंगचा अहवाल काय येतो, या नंतर पुढील निर्णय घेतला जाईल अशी माहिती डॉ. बाजी यांनी दिली.

omicron
राज ठाकरेंचा नाशिक दौरा : मनसे कार्यकर्त्यांवर गुन्हा दाखल

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com