Market Committee Election : नाशिक बाजार समितीत 18 जागांसाठी 175 अर्ज

पंचवटी (जि. नाशिक) : नाशिक कृषी उत्पन्न बाजार समिती निवडणुकीत नामनिर्देशनपत्र दाखल करण्याच्या पाचव्या दिवशी सोमवारी (ता. ३) एकूण ९० अर्ज दाखल झाले आहेत. यामध्ये सहकारी संस्था मतदारसंघात ५०, ग्रामपंचायत मतदारसंघ ३०, तर व्यापारी मतदारसंघातील दहा अर्जांचा समावेश आहे. (Market Committee Election 175 applications for 18 seats in Nashik Market Committee)

हेही वाचा : शॉर्ट सेलर्स म्हणजे नक्की कोण?

दरम्यान, हमाल मापारी गटातून एकही अर्ज आलेला नाही. त्यामुळे आतापर्यंत १८ जागांसाठी एकूण १७५ अर्ज दाखल झाले असून, हमाल मापारी गटातून एकाच उमेदवाराचे तीन अर्ज आलेले आहेत.

बुधवारी (ता. ५) छाननी होणार असून, अर्ज मागे घेण्याची मुदत २० एप्रिलपर्यंत आहे. त्यानंतरच पॅनलनिर्मिती अन्‌ प्रचाराला वेग येणार आहे. माजी खासदार तथा माजी सभापती देवीदास पिंगळे, बबन घोलप, विजय करंजकर यांच्याविरुद्ध खासदार हेमंत गोडसे, शिवाजी चुंभळे, दिनकर पाटील यांच्या पॅनलमध्ये लढत होण्याचे चिन्ह सध्या तरी दिसत आहे.