Nashik : वाॅर्डबाॅयकडून मानसिक रुग्णाला मारहाण

पंचवटी (जि. नाशिक) : जिल्हा रुग्णालयात इंजेक्शन देताना हालचाल केल्याचा राग आल्याने वाॅर्डबाॅयने मानसिक रुग्ण असलेल्या तरुणाला मारहाण केली. याप्रकरणी वाॅर्डबाॅय विरुद्ध सरकारवाडा पाेलिस ठाण्यात अदखल पात्र गुन्हा दाखल झाला आहे. (Mental patient beaten by ward boy at district hospital Nashik Latest Marathi News)

३३ वर्षीय मानसिक रुग्ण शासकीय रुग्णालयात मनोरुग्ण वॉर्डमध्ये उपचार घेत आहे. रविवारी (ता. १८) दुपारी रुग्णाला वाॅर्डबाॅय इंजेक्शन देत असताना, रुग्णाने हालचाल केली. त्याच राग आल्याने वाॅर्डबाॅयने शिवीगाळ करून रुग्णाला मारहाण केली.

याबाबत तरुणाच्या आईने सरकारवाडा अदखल पात्र गुन्हा दाखल केला आहे. या घटनेची माहिती मिळताच माजी नगरसेवक हेमंत शेट्टी, सामाजिक कार्यकर्ते शंकर हिरे यांनी शासकिय रुग्णालयात जाऊन रुग्णाची विचारपूस केली व दोषीवर कारवाईची मागणी केली.