Minor Mineral Revenue : गौणखनिजाची अवघी ७० टक्के वसुली

नाशिक- मार्चअखेरसाठी अवघ्या दोन आठवड्यांचा कालावधी शिल्लक असताना गौणखनिजची वसुली ७० टक्क्यांवर अडकली आहे; तर महसूल वसुलीचे प्रमाण १५१ टक्यांवर पोहोचले. त्यामुळे गौणखनिजातील वसुलीच्या आकड्यांवरून जिल्हाधिकारी जलज शर्मा यांनी अधिकाऱ्यांची कानउघाडणी केली आहे. .आर्थिक वर्ष संपण्यासाठी अवघे १७ दिवस बाकी आहेत, त्यामुळे सर्वच शासकीय विभागांमध्ये मार्चअखेरची लगबग पाहायला मिळते. जिल्हा प्रशासनातही महसूल वसुलीच्या उद्दिष्टपूर्तीसाठी लगबग दिसून येत आहे. चालू वर्षी प्रशासनाला एकूण २७३ कोटी १० लाख ६४ हजार रुपयांच्या महसूल वसुलीचे उद्दिष्ट ठरवून दिले गेले. त्यात गौणखनिजच्या २०० कोटी रुपयांच्या वसुलीचा समावेश आहे. जमीन महसुलाच्या उद्दिष्टाची रक्कम ७३ कोटी १० लाख ६४ हजार रुपये आहे. सद्यस्थितीत प्रशासनाने २४९ कोटी ८७ लाखांचा महसूल गोळा केला. एकूण उद्दिष्टाच्या ९१.४९ टक्के इतके हे प्रमाण आहे. .जिल्हा प्रशासनाने वसुलीत जमीन महसूलचा वाटा ११० कोटी ४२ लाख रुपये असून, उद्दिष्टाच्या १५१ टक्के एवढे प्रमाण आहे. गौणखनिजच्या २०० कोटींच्या उद्दिष्टापैकी १३९ कोटी ४५ लाखांचा महसूल गोळा झाला असून, ही टक्केवारी ६९.७२ इतकी आहे. गौणखनिज वसुलीतील पिछाडी लक्षात घेता अधिकाऱ्यांना लक्ष्यांकपूर्तीसाठी अधिक घाम गाळावा लागेल. .कळवण तळाला ; सुरगाणा ‘टॉप’जिल्ह्यातील महसूल वसुलीच्या यादीवरून कळवण उपविभाग सध्या चर्चेचा विषय ठरला आहे. उपविभागातील कळवण वसुलीत तळाला असून, तालुक्याने आजपर्यंत केवळ ४० टक्के महसूल गोळा केला. त्याचवेळी उपविभागातील दुसरा तालुका असलेल्या सुरगाण्याने १६७ टक्के वसुली करून जिल्ह्यात अव्वल स्थान पटकावले. नाशिक तालुक्याने ९४.४१ टक्के महसूल गोळा केला. .दृष्टिक्षेपातसुरगाणा, दिंडोरीची उद्दिष्टपूर्तीनाशिकमध्ये ८४.५२ कोटी प्राप्तपेठमध्ये ४५ टक्केच वसुलीमालेगावला ७५ टक्के महसूल .महसूल वसुली (लाखात)नाशिक : ८४५२.०९, निफाड ः ७४१.१९, सिन्नर ः २३१७.४६, दिंडोरी : २४३८.०७, पेठ ः १४८.७८, इगतपुरी ः १३६२.५४, त्र्यंबकेश्वर : ५०८.०१, मालेगाव ः १७०५.१८, येवला ः १३४५.६४, नांदगाव : १०८६.८६, कळवण ः ३३८.८६, सुरगाणा ः ४९४.८३, बागलाण : ४९९.३५, चांदवड ः ९५१.८६, देवळा ः ५७४.७१, एकूण : २४९८६.६९..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.