विभागीय आयुक्तांच्या फोटोचा Social Mediaवर गैरवापर; 4 दिवसात दुसरा गुन्हा दाखल | Latest marathi news | Sakal
sakal

बोलून बातमी शोधा

Divisional Commissioner Radhakrishna Game Fake WhatsApp Account latest marathi news

विभागीय आयुक्तांच्या फोटोचा Social Mediaवर गैरवापर; 4 दिवसात दुसरा गुन्हा दाखल

नाशिक : चार दिवसांपूर्वीच महापालिका आयुक्तांच्या फोटोचा गैरवापर करून अनेकांना मेसेजेस्‌ केल्याप्रकरणी गुन्हा दाखल झालेला असतानाच, महसुलचे विभागीय आयुक्तांचा फोटो व्हाटॅसॲपवर वापरून गैरवापर करण्याचा प्रयत्न केल्याप्रकरणी दुसरा गुन्हा नाशिक सायबर पोलिसात दाखल झाला आहे. (Misuse of Divisional Commissioner Photo on Social Media Second case filed in 4 days Nashik Cyber Crime Latest marathi news)

शिवाजी मधुकर चव्हाणके (रा. गंगापूर रोड) यांच्या फिर्यादीनुसार, अज्ञात भामट्याने गेल्या शुक्रवारी (ता.५) ९३४०२३३४६८ या व्हॉटसॲप क्रमांकावर नाशिक विभागीय महसुल कार्यालयाचे विभागीय आयुक्त राधाकृष्ण गमे यांचा फोटो विनापरवानगी डीपी म्हणून वापरला. तसेच, त्यांची ऑनलाईन पद्धतीने ओळख चोरी करण्याचा प्रयत्न केला आहे. याप्रकरणी नाशिक सायबर पोलिसात गुन्हा दाखल करण्यात आला आहे. वरिष्ठ पोलीस निरीक्षक सुरज बिजली हे गुन्ह्याचा तपास करीत आहेत.

हेही वाचा: Dhule : भाजपनंतर आमदार प्रशासनावर बरसले

दरम्यान, गेल्या चार दिवसातील अशास्वरुपाचा दुसरा गुन्हा दाखल झाला आहे. यापूर्वी महापालिकेचे नवनियुक्त आयुक्त चंद्रकांत पुलकुंडवार यांचा फोटो व्हॉटसॲपच्य डीपीला वापरून एका विशिष्ठ मोबाईल क्रमांकावरून मेसेजेस्‌ करण्यात आले होते.

याप्रकरणी सायबर पोलिसांच्या तपासात एका व्यक्तीच्या मोबाईलचे व्हॉटस्‌ॲप हॅक करून अज्ञात भामट्याने सदरचा प्रकार केल्याचे समोर आले आहे. या दोघ घटनांवरून अज्ञात भामटे शासकीय अधिकाऱ्यांच्या फोटोचा वापर सोशल मीडियावर करून फसवणूक करण्याची शक्यता नाकारता येत नाही.

हेही वाचा: शासकीय आश्रमशाळेतील विद्यार्थीनीची शाळेत गळफास घेत आत्महत्या

Web Title: Misuse Of Divisional Commissioner Photo On Social Media Second Case Filed In 4 Days Nashik Cyber Crime Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..