नाशिक- शहरातील मध्यवर्ती ठिकाणी असलेल्या सर्व्हे क्रमांक ६४३ ब ही शासकीय जागा संविधान भवनासाठी उपलब्ध करावी, अशी मागणी आमदार प्रा. देवयानी फरांदे यांनी केली आहे. जिल्हाधिकाऱ्यांकडे यासंदर्भात त्यांनी पत्र दिले. .पत्रात नमूद केल्यानुसार, शहराच्या मध्यवर्ती ठिकाणी व भारतरत्न डॉ. बाबासाहेब आंबेडकर यांच्या पुतळ्याशेजारी असणारी ही जागा शासकीय आहे. ही जागा शासनाने दिली होती, त्या कारणासाठी जागेचा वापर होत नसल्यामुळे २००३ ला जागेचा शर्तभंग प्रस्ताव करून जागा शासन जमा करण्याची प्रक्रिया पूर्ण झालेली होती. .यानंतर ही जागा बांधकाम व्यावसायिकाला देऊन जमीन गिळंकृत करण्याचा प्रयत्न सुरू होता. त्यामुळे प्रस्ताव प्रलंबित होता. आमदार फरांदे यांनी अर्थसंकल्पीय अधिवेशनात लक्षवेधी मांडत विषय उपस्थित केला होता. शर्तभंग प्रस्ताव मंजूर झालेला असून केवळ जमिनीला नाव लावणे बाकी आहे, असे उत्तर यावेळी मिळाले होते. .संविधान भवन बांधण्यासाठी केंद्र शासनाने मंजुरी दिली असूनही जागेअभावी काम सुरू करणे शक्य होत नाही. शालिमार येथे भारतरत्न डॉ. बाबासाहेब आंबेडकर यांचा पूर्णाकृती पुतळा असून ही जागा श्रद्धास्थान आहे. त्यामुळे पुतळ्याजवळील सर्व्हे क्रमांक ६४३ब असल्यामुळे या जागेवर संविधान भवन उभारणे योग्य राहील, असे नमूद केले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
