नाशिक- प्रदूषणमुक्त गोदावरीसाठी महाराष्ट्र नवनिर्माण सेना आक्रमक झाली आहे. पक्षातर्फे बुधवारी (ता.९) सकाळी रामतीर्थावर गोदावरी प्रदूषण मुक्तीसाठी साधू-संतांसह प्रशासनाविरोधात पदाधिकाऱ्यांनी रामतीर्थ परिसरात दूषित पाण्यात उतरत आंदोलन केले. .जोपर्यंत गोदावरी नदीचे पाणी पिण्यायोग्य होत नाही, तोवर याचप्रकारे आंदोलन सुरू राहणार असल्याचे पक्षाचे सरचिटणीस दिनकर पाटील यांच्यासह अन्य नेत्यांनी सांगितले. यापुढे प्रशासनाला शहरातील प्रत्येक नदीतील पाणी हे पिण्यासाठी देण्यात येईल व प्रदूषणयुक्त पाण्याने अंघोळ घालण्यात येईल, असा इशाराही देण्यात आला. .शहरातील नद्या लवकरात लवकर प्रदूषण मुक्त व्हाव्यात, आगामी कुंभमेळ्यापूर्वी सर्व नद्या प्रदूषण मुक्त व्हाव्यात व प्रशासनाने शहरातील नद्या या कुंभमेळापुरताच स्वच्छ न करता या कायमस्वरूपी स्वच्छ ठेवाव्यात, यासाठी नियोजन करावे, अन्यथा प्रशासनाला मनसेच्या प्रत्येक प्रत्येक आंदोलनाला व विचारल्या जाणाऱ्या प्रश्नांना सामोरे जावे लागेल, असा इशारा देण्यात आला आहे..या पदाधिकाऱ्यांचा समावेशआंदोलनप्रसंगी मनसेचे प्रदेश सरचिटणीस दिनकर पाटील, प्रदेश उपाध्यक्ष रतनकुमार इचम, जिल्हाध्यक्ष अंकुश पवार, शहराध्यक्ष सुदाम कोंबडे, जिल्हा उपाध्यक्ष मनोज घोडके, संदीप किरवे, महिला प्रदेश उपाध्यक्ष सुजाता डेरे, विभाग अध्यक्ष योगेश दाभाडे, सचिन सिन्हा, सत्यम खंडाळे, नितीन माळी, प्रकाश कोरडे, धीरज भोसले, विश्वास तांबे, शहर उपाध्यक्ष सचिन रोजेकर, नवनाथ जाधव, ज्ञानेश्वर बगडे, अतुल पाटील, विजय अहिरे, नीलेश शहाणे, मिलिंद कांबळे, नवनाथ कोठुळे, प्रकाश गोसावी, दत्ता पवार, तुषार गांगुर्डे, रामदास खैरनार, भानुमती अहिरे, आरती खिराडकर, अक्षरा घोडके, स्वागता उपासने, राकेश परदेशी, मीरा आवारे, ललित वाघ, दर्शन बोरसे, रवी खिलारे, राजू परदेशी, अमित गांगुर्डे, प्रफुल बनभैरू, नितीन पंडित यांच्यासह साधू, महंत सहभागी झाले होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
