नाशिक : मुस्लिम धर्मगुरूची हत्या, 'सुफी बाबा'चे अफगाणिस्तानशी संबंध; हल्लेखोर पसार | Sakal
sakal

बोलून बातमी शोधा

crime

नाशिक : मुस्लिम धर्मगुरूची हत्या, 'सुफी बाबा'चे अफगाणिस्तानशी संबंध; हल्लेखोर पसार

चिचोंडी : चिचोंडी औद्योगिक परिसरात मंगळवारी सायंकाळी अफगाण नागरिक असलेल्या तरुणाची गोळ्या (Murder) झाडून खून केल्याची घटना घडली. घटनेनंतर चौघे अनोळखी व्यक्ती चारचाकी गाडी घेऊन पोबारा झाले. रात्री उशिरा फॉरेन्सिक लॅबतज्ज्ञांना पाचारण करण्यात आले असून, उपलब्ध माहितीनुसार शहर पोलिसांनी तातडीने तपास सुरू केला आहे. खून झालेल्या युवकाबरोबर असलेले त्याचे मित्र गफार व आणखी एक (नाव माहीत नाही) यांना पोलिसांनी ताब्यात घेतले असून, रात्री उशिरापर्यंत गुन्हा नोंदविण्याचे काम सुरू होते. (Muslim Spiritual Guru Murder )

हेही वाचा: कच्च्या तेलाच्या किमतीत मोठी घट; पेट्रोल डिझेलचे दर कमी होणार?

चिचोंडी खुर्द (ता. येवला) येथील चिचोंडी-बदापूर रोडच्या लगत असलेल्या औद्योगिक वसाहत परिसरात मंगळवार (ता. ५) सायंकाळी सातच्या सुमारास अज्ञात व्यक्तीचा खून झाल्याची माहिती पोलिसपाटील वनिता सोमनाथ मढवई यांनी येवला शहर पोलिसांना दिली. शहर पोलिस ठाण्याचे निरीक्षक भगवान मथुरे, सहाय्यक निरीक्षक नितीन खडांगळे, उपनिरीक्षक मनोहर मोरे यांच्यासह पोलिस पथकाने घटनास्थळी येत पंचनामा केला.

हेही वाचा: गद्दारांना भुईसपाट करा; उद्धव ठाकरे यांचे महिला शिवसैनिकांना आवाहन

यावेळी अधिक चौकशीत अफगाण नागरिक असलेला सुफी ख्वाजा सय्यद जरीब चिस्ती (अंदाजे वय ३६) या युवकास गोळी झाडून ठार करण्यात आल्याचे दिसून आले. तसेच घटनेनंतर चौघे अनोळखी व्यक्ती चारचाकी गाडी घेऊन पोबारा झाल्याचे समजले. दरम्यान, रात्री उशिरा नाशिक जिल्ह्याचे ग्रामीण पोलिस अधीक्षक सचिन पाटील, पोलिस उपअधीक्षक समीरसिंह साळवे यांनी देखील तातडीने घटनास्थळी भेटून पाहणी केली.

हेही वाचा: पुणे : निवडणुकीसाठीची अंतिम मतदार यादीसाठी १६ जुलै पर्यंतची मुदत

रात्री उशिरा फॉरेन्सिक लॅबतज्ज्ञांना पाचारण करण्यात आले. उपलब्ध माहितीनुसार शहर पोलिसांनी तातडीने तपास सुरू केला आहे. दरम्यान, या अफगाणिस्तानी नागरिकाची चिचोंडी एमआयडीसी परिसरात हत्या का झाली? कशासाठी झाली? घटनास्थळी येथील एका भूखंडावर नारळ फोडून, अगरबत्ती लावून, कुंकू डबी मिळून आली. पूजेचा प्रकार कशासाठी करण्यात आला होता? या सर्व बाबींच्या अनुषंगाने तपास सुरू असल्याचे सूत्रांकडून सांगण्यात आले. दरम्यान खून झालेल्या व्यक्ती सोबत असलेले दोघांना पोलिसांनी चौकशीसाठी ताब्यात घेतले आहे. खून झालेल्या व्यक्तीचे youtube ला हजारो फॉलोवर्स (227.k) असल्याचे घटनास्थळी समजले.

Web Title: Muslim Spiritual Guru Shot Dead In Nashik Police Is Investing

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top