Lasalgaon News : ‘नाफेड’च्या कांदा खरेदीत सहकारी संस्थांना प्राधान्य

लासलगाव- केंद्राच्या ग्राहक व्यवहार विभागाच्या भाव स्थिरीकरण निधी योजनेंतर्गत नाफेड लवकरच कांदा खरेदी प्रक्रिया सुरू करणार आहे. काही आठवड्यांपासून कांद्याच्या दरात सातत्याने घसरण होत असल्याने शेतकरी वर्ग चिंतेत होता. या पार्श्वभूमीवर नाफेडच्या या निर्णयामुळे कांद्याच्या दराला काही प्रमाणात स्थैर्य मिळण्याची अपेक्षा आहे. .यंदाच्या खरेदी प्रक्रियेत एक मोठा बदल करण्यात आला असून, फार्मर प्रोड्युसर कंपन्यांना (FPC) खरेदी प्रक्रियेपासून बाजूला ठेवण्यात आले आहे. त्याऐवजी नाफेडने आपले सदस्यत्व असलेल्या सहकारी संस्थांमार्फत कांदा खरेदी करण्याचे ठरवले आहे. याबाबत नियोजन सुरू असून, नाफेडने इच्छुक सहकारी संस्थांना बैठकीसाठी आमंत्रित देखील केले आहे..नाफेड आणि राष्ट्रीय सहकारी ग्राहक महासंघ (एनसीसीएफ) या दोन नोडल एजन्सींमार्फत गेल्या वर्षी सुमारे पाच लाख टन कांद्याची खरेदी करण्यात आली होती. मात्र, या प्रक्रियेमध्ये गैरव्यवहार, अपारदर्शकता आणि दलालशाहीचे आरोप झाल्याने नाफेडची प्रतिमा डागाळली होती. या पार्श्वभूमीवर यंदा खरेदी प्रक्रियेत अधिक पारदर्शकता आणि कार्यक्षमतेसाठी धोरणात्मक बदल करण्यात आला आहे..नाफेडच्या अध्यक्षांनी स्वतः काही शेतकरी उत्पादक कंपन्यांना भेट देऊन त्यांच्याकडून थेट माहिती घेतली होती. तरीही, यंदा या कंपन्यांच्या सहभागावर बंदी घालण्यात आली आहे. हा निर्णय काहीसा वादग्रस्त ठरण्याची शक्यता आहे, मात्र शेतकऱ्यांच्या हितासाठी योग्य व्यवस्था करण्याचा प्रयत्न असल्याचे ‘नाफेड’च्या सूत्रांकडून सांगण्यात आले..नाफेडच्या निर्णयाकडे शेतकरी वर्ग, व्यापारी, व कृषी संस्था सर्वजण लक्ष ठेवून आहेत. पारदर्शक आणि शेतकरीहिताचे निर्णय घेतले गेले, तर यंदाची कांदा खरेदी प्रक्रिया यशस्वी ठरेल आणि गेल्या वर्षीच्या वादांना पूर्णविराम मिळेल असे शेतकऱ्यांचे म्हणणे आहे..सहकारी संस्थांवर विश्वास‘नाफेड’ने यंदा केवळ आपल्या सदस्य सहकारी संस्थांनाच कांदा खरेदी, साठवणूक, देखभाल आणि उपनगरीय केंद्रांवर पाठवणीसाठी जबाबदारी देण्याचे ठरवले आहे. यामुळे खरेदी प्रक्रिया केंद्रीत आणि नियंत्रणात राहील, असा विश्वास व्यक्त केला जात आहे.गेल्या वर्षीच्या खरेदीतील अनियमिततेमुळे नाशिक जिल्ह्यातील शेतकऱ्यांमध्ये संतापाची लाट उसळली होती. शेतकरी उत्पादक कंपन्यांना बाजूला केल्याने शेतकऱ्यांचा थेट फायदा होईल आणि बाजारभावात स्थैर्य येईल अशी आशा आहे.- निवृत्ती न्याहारकर, वाहेगाव साळ.नाफेडने प्रत्यक्ष कृषी उत्पन्न बाजार समित्यांमध्ये उतरून कांदा खरेदी केली पाहिजे. त्यामुळे शेतकऱ्यांना चांगला दर मिळेल आणि संपूर्ण प्रक्रिया पारदर्शक राहील. सहकारी संस्थांच्या माध्यमातून खरेदी करताना देखील अधिक जबाबदारीने काम करणे गरजेचे आहे.- जयदत्त होळकर, संचालक, मुंबई कृषी उत्पन्न बाजार समिती .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.