Nashik Accident News : गोविंद नगर रस्त्यावर दुचाकी स्वारावर झाड कोसळले! दोघांपैकी एकाचा मृत्यू

Nashik News : गोविंदनगर रस्त्यावरून दुचाकीस्वार जात असताना, त्यांच्या अंगावर अचानक झाड कोसळल्याने त्यातील एकाचा जागीच मृत्यू झाल्याची घटना घडली आहे. बुधवारी (ता. १५) रात्री पावणेअकरा ते अकराच्या सुमारास दुचाकी (एमएच १५, एचएफ ९५५७) वरून दोघे सिटी सेंटर मॉलकडून गोविंदनगर बोगद्याकडे जात होते. (accident Tree Collapse on bike rider)

यावेळी क्वालिनो पार्कसमोर अचानक एक झाड कोसळले. हे झाड दुचाकीस्वारांवर पडले. त्यात मागे बसलेल्या युवकाच्या डोक्यात पडल्याने मोठ्या प्रमाणात रक्तस्राव झाला. यात त्याचा जागीच मृत्यू झाल्याचे प्रत्यक्षदर्शीनी सांगितले, तर दुसरा गंभीर जखमी झाला. (latest marathi news)

नागरिकांनी रुग्णवाहिका व पोलिसांना कळविले. झाड रस्त्यातून बाजूला करून वाहतूक सुरळीत करण्यात आली. मुंबई नाका पोलिस करीत आहेत.