Nashik Bardan Fata Accident Case: महिलेचा चिरडणारा मद्याच्या नशेत होता चिंग! वैद्यकीय रिपोर्ट पॉझिटिव्ह; 5 दिवसांची कोठडी

Crime News : अर्चना किशोर शिंदे (३१, रा. शिवाजीनगर, सातपूर) असे मयत महिेलेचे नाव आहे. तर अटक करण्यात आलेला मद्यपी कारचालकाचे देवचंद रामू तिदमे (५१, रा. कृष्णा रेसीडेन्सी, ध्रुवनगर) असे नाव आहे.
Accident Death News
Accident Death Newsesakal

Nashik Bardan Fata Accident Case : आनंदवल्ली परिसरातील हॉटेलमधील काम उरकून घराकडे परतणाऱ्या पादचारी महिलेला ज्या कारने धडक देत चिरडून ठार केले, त्या कारचा चालक मद्याच्या नशेमध्ये चिंग होता. त्याचा वैद्यकीय अहवालही पॉझिटिव्ह आला आहे. न्यायालयात या संशयित कारचालकाला सोमवारपर्यंत (ता. १५) पाच दिवसांची पोलीस कोठडी सुनावली आहे. मंगळवारी (ता. ९) सायंकाळी बारदान फाटा येथे अपघाताची घटना घडली होती. (Nashik Bardan Fata Accident Case)

अर्चना किशोर शिंदे (३१, रा. शिवाजीनगर, सातपूर) असे मयत महिेलेचे नाव आहे. तर अटक करण्यात आलेला मद्यपी कारचालकाचे देवचंद रामू तिदमे (५१, रा. कृष्णा रेसीडेन्सी, ध्रुवनगर) असे नाव आहे. मंगळवारी (ता. ९) सायंकाळी साडेपाच-सहाच्या सुमारास अर्चना शिंदे या घरी परतत असताना साधना मिसळसमोर भरधाव वेगात आलेल्या अल्टो कारने (एमएच ०३ बीई ६६३४) शिंदे यांना पाठीमागून जोरदार धडक देत पसार झाला होता. यात गंभीर मार लागल्याने त्या जागीच ठार झाल्या. (latest marathi news)

Accident Death News
Crime News : सोने विकायला आले अन् जाळ्यात अडकले; घरफोडी करणारी टोळी गजाआड

संशयित कारचालक देवचंद तिदमे याचे घरात वाद झाल्याने तो त्याच्या गावी निघून गेला होता. दुपारी मद्यपान करून घराकडे परतत असताना त्याने सदरचा अपघात केल्याचे पोलीसांच्या प्राथमिक तपासातून समोर आले आहे. तिदमे यास अपघातानंतर तासाभरात अटक करण्यात आली. वैदयकीय तपासणीमध्ये त्याने मद्यपान केल्याचे निष्पन्न झाले आहे. त्यानुसार गंगापूर पोलिसात गुन्हा दाखल करण्यात आला आहे. न्यायालयात हजर केले असता, त्यास ५ दिवसांची पोलीस कोठडी सुनावण्यात आली आहे.

Accident Death News
Crime: पोलिसांची मोठी कारवाई, दोन जहाल माओवाद्यांना केली अटक!

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com