Nashik Crime News : गावठी हातभट्टी दारु विक्रेत्याला केले स्थानबद्ध

Nashik Crime News : पंचवटीतील वाल्मिकनगरमध्ये बेकायदेशीररित्या गावठी दारुच्या हातभट्टीचा व्यवसाय करून महामार्गावरील ढाबे, हॉटेल्सला पुरवठा करणाऱ्या व गुंडगिरी करीत दहशत माजविणाऱ्या संशयिताला शहर गुन्हेशाखेने एमपीडीएअंतर्गत स्थानबद्ध केले असून, अटक करून नाशिकरोड मध्यवर्ती कारागृहात दाखल करण्यात आले आहे. (Nashik Crime desi Liquor den sellers arrested under MPDA)

महावीर अरुण कौलकर (४५, रा. वाल्मिकनगर, पंचवटी) असे स्थानबदध करण्यात आलेल्या संशयिताचे नाव आहे. कौलकर याच्याविरोधात शहरातील पोलीस ठाणे, व राज्य उत्पादन शुल्क विभागात गुन्हे दाखल आहेत. अवैध गावठी दारुची निर्मिती, व विक्रीचे आठ गुन्हे दाखल असून, त्याच्यावर प्रतिबंधात्मक कारवाई यापूर्वी करण्यात आलेली आहे. परंतु तरीही त्याचे कृत्य सुरूच आहे. त्यामुळे पोलीस आयुक्तांच्या आदेशानुसार त्याच्यावर स्थानबदधतेची कारवाई करण्यात येऊन त्यास नाशिकरोड मध्यवर्ती कारागृहात दाखल करण्यात आले आहे. (latest marathi news)