Nashik Crime News : गांजा प्रकरणातील संशयित महिला सापडेना; कारचालकाला पोलिस कोठडी

Nashik News : भारतनगर चौकात पुण्यावरून आलेल्या कारमध्ये १९ लाखांचा गांजा पकडण्यात आल्या होता. याप्रकरणी संशयित कारचालकाला शुक्रवार (ता. १२) पर्यंत पोलिस कोठडी सुनावण्यात आली आहे.
Nashik Crime News
Nashik Crime News esakal

Nashik News : भारतनगर चौकात पुण्यावरून आलेल्या कारमध्ये १९ लाखांचा गांजा पकडण्यात आल्या होता. याप्रकरणी संशयित कारचालकाला शुक्रवार (ता. १२) पर्यंत पोलिस कोठडी सुनावण्यात आली आहे. तर, कारमध्ये पुण्याहून नाशिकला गांजा घेऊन आलेल्या महिलेचा पोलिस शोध घेत आहे. परंतु अद्यापही तिचा शोध लागू शकलेला नाही. (Female suspect in ganja case not found Car driver in police custody)

त्यामुळे पुण्यातून गांजा कोणी दिला आणि नाशिकमध्ये तो कोणाला दिला जाणार होता, याचा शोध घेण्यात पोलिसांना अडचणीचे ठरते आहे. सोमवारी (ता. ८) सकाळी पुण्याहून संशयितांनी उबेर कॅबच्या माध्यमातून कार बुक केली. या कारमधून संशयित महिला व तिचा साथीदार हे बॅग व गोण्या घेऊन आले होते. कार भारतनगर चौकात थांबवून संशयित महिला व इसम यांनी कारचालकाला हॉल्टिंग चार्ज कबूल करून त्यास थांबण्यास सांगितले.

जाताना महिलेने कारमधील गांजाच्या बॅगा तशाच ठेवल्या होत्या. दरम्यान मुंबई नाका पोलिसांना खबर मिळाली आणि पोलिसांनी कारवाई केली असता, १९ लाखांचा गांजा जप्त करण्यात आला. याप्रकरणी कारचालक संशयित किरण धुमाळ (रा. धायरी, ता. पुणे) यास अटक केली आहे. (latest marathi news)

Nashik Crime News
Nashik Crime News : लक्ष्मी ताठे यांनातेलंगण पोलिसांकडून अटक!

न्यायालयात हजर केले असता त्यास शुक्रवारपर्यंत पोलिस कोठडी सुनावण्यात आली आहे. दरम्यान, संशयित महिला व तिचा साथीदाराचा पोलिस शहर परिसरामध्ये कसून शोध घेत आहेत. कारचालकाला संशयितांसंदर्भात काहीही माहिती नसल्याचे तपासात समोर आले आहे.

संशयितांनी सदरचा गांजा पुण्यातून कोठून आणि कोणाकडून घेतला. तसेच तो गांजा नाशिकमध्ये कोणाला दिला जाणार होता याचा शोध पोलिस घेत आहेत. परंतु अद्याप संशयित महिला व साथीदार हाती लागत नसल्याने या प्रश्नांची उत्तरेही गुलदस्त्यात आहेत.

Nashik Crime News
Alandi Crime : नवरदेवाची फसवणूक! पहिले लग्न लपवून नवरीने केले दुसरे लग्न

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com