Nashik News : मुंबईच्या मुलुंड येथील ब्रिज असोसिएट्स या वित्तीय संस्थेच्या माध्यमातून शेतीमध्ये ॲग्रो टुरीझमकरिता दोन कोटी रुपयांचे कर्ज काढून देण्याचे आश्वासन देत एकाची आर्थिक फसवणूक केल्याचा प्रकार उघडकीस आला आहे. याप्रकरणी गणेश माळोदे यांनी पंचवटी पोलिस ठाण्यात फिर्याद दिली असून, दोन लाख ६५ हजार रुपयांची फसवणूक झाल्याचे फिर्यादीत म्हटले आहे. (Financial fraud with lure of loan)
पोलिसांनी दिलेल्या माहितीनुसार, दोन कोटी रुपयांचे कर्ज काढून देण्याचे आश्वासन देऊन फेब्रुवारी २०२० ते जानेवारी २०२१ या कालावधीत संशयित सुधीर चव्हाण याने फिर्यादीदार माळोदे यांच्याकडून पैसे उकळले. शेतजमिनीचा प्रकल्प अहवाल तयार करणे.
लेखापरीक्षण अहवाल, तसेच इतर कायदेशीर कागदपत्रे बनविण्यासाठी तीन लाख ६५ हजार रुपयांची मागणी संशयिताने केली. त्यानुसार माळोदे यांनी दोन वेगवेगळ्या धनादेशाद्वारे ही रक्कम, तसेच सातबारा उतारा, खाते उतारा, आधारकार्ड, पॅनकार्ड, बँकेचे स्टेटमेंट दिले.
त्यानंतर संशयिताने त्यांना व्हॉट्सॲपच्या माध्यमातून कर्ज मंजुरी पत्रदेखील पाठविले. पण कर्जाची रक्कम उपलब्ध होत नसल्याने आपली फसवणूक झाल्याचा संशय माळोदे यांना आला. त्यानंतर त्यांनी यापूर्वी अदा केलेले पैसे परत करण्याची मागणी संशयिताकडे केली.
त्यानंतर त्याने एक लाख रुपये फोन पेद्वारे परत केले. मात्र उर्वरित दोन लाख ६५ हजार रुपये व मूळ कागदपत्रे परत न दिल्याने माळोदे यांनी त्याच्याविरोधात फिर्याद दाखल केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.