Nashik Bike Theft : पोलिसांकडून आळा बसेना; दुचाकी चोऱ्या थांबेना

Nashik News : शहर परिसरातून गेल्या दोन दिवसात चार दुचाक्या चोरट्यांनी लंपास केल्या आहेत. याप्रकरणी संबंधित पोलिस ठाण्यांमध्ये गुन्हे दाखल करण्यात आलेले आहेत. दुचाक्या चोरीच्या घटना सातत्याने वाढत असतानाही त्यावर पोलिसांकडून आळा बसू शकलेला नाही. (Incidents of bike theft are continuously increasing)

ज्ञानेश्वर भास्कर साताळे (रा. साकोरे मिग) यांची ३० हजारांची दुचाकी (एमएच १५ डीवाय ३५३३) ३० तारखेला गोदाघाटावरील पोलीस चौकीसमोरून चोरट्याने चोरून नेली. याप्रकरणी पंचवटी पोलिसात गुन्हा दाखल करण्यात आला आहे. नागनाथ रघुनाथ गडाख (रा. चांदोरी, नाशिक) यांची ८ हजारांची दुचाकी (एमएच १५ ईव्ही ३३०८) २८ तारखेला दिंडोरी रोडवरील हरि लॉन्सच्या पार्किंगमधून चोरीला गेली.

याप्रकरणी म्हसरुळ पोलिसात गुन्हा दाखल करण्यात आला आहे. नामदेव पुंडलिक शिंदे (रा. जगताप नगर, उंटवाडी) यांची ३० हजारांची ॲक्टिवा मोपेड (एमएच १५ जीएच ११९९) २८ तारखेला सायंकाळी कोनार्कनगर येथील लक्ष्मीनारायण लॉन्सच्या पार्किंगमधून चोरीला गेली.

याप्रकरणी आडगाव पोलिसात गुन्हा दाखल करण्यात आला आहे. तर, महेंद्रसिंग बाळासाहेब मगर (रा. उर्जा रेसीडेन्सी, औरंगाबाद नाका, पंचवटी) यांची ३५ हजारांची दुचाकी (एमएच १५ एफएस ८१४२) ३० तारखेला सायंकाळी महिंद्रा शोरुमसमोर पार्क केली असता चोरट्याने चोरून नेली. याप्रकरणी अंबड पोलिसात गुन्हा दाखल करण्यात आला आहे.