Stone pelting by mob at Bharat Nagar substation
Stone pelting by mob at Bharat Nagar substationesakal

Nashik Crime News : भारतनगर सबस्टेशनवर जमावाकडून दगडफेक

Nashik News : भारतनगर-शिवाजीवाडी येथील वीज कंपनीच्या सबस्टेशनवर वीजपुरवठा खंडित झाल्याने बुधवारी (ता. २२) रात्री साडेदहाच्या सुमारास संतप्त जमावाने दगडफेक करत रोष व्यक्त केला.

इंदिरानगर : भारतनगर-शिवाजीवाडी येथील वीज कंपनीच्या सबस्टेशनवर वीजपुरवठा खंडित झाल्याने बुधवारी (ता. २२) रात्री साडेदहाच्या सुमारास संतप्त जमावाने दगडफेक करत रोष व्यक्त केला. दगडफेकीनंतर कर्मचारी शेखर कापडणीस आणि रखवालदाराला धक्काबुक्की करण्यात आली. (Stone pelting by mob at Bharat Nagar substation)

गेल्या दहा दिवसांपासून प्रचंड उकाडा वाढत असून, इंदिरानगर भागातील वीजपुरवठा सातत्याने खंडित होत आहे. गत आठवड्यात तर सलग तीन दिवस सरासरी आठ ते दहा तास वीजपुरवठा खंडित झाल्याने नागरिक संतप्त झाले होते. त्यानंतर दोन दिवस सुरळीत वीजपुरवठा झाला.

बुधवारी रात्री पुन्हा ३३ केव्ही मुख्य वाहिनीमध्ये हॉटेल कावेरीजवळ बिघाड झाल्याने वीजपुरवठा खंडित झाला. तातडीने कामदेखील सुरू करण्यात आले. पर्याय म्हणून इंदिरानगर, हॉटेल एक्स्प्रेस इन, अंबड आदी ठिकाणच्या सबस्टेशनवरून पर्यायी वीज उपलब्ध करून काही ठिकाणचा वीजपुरवठा सुरळीत करण्यात आल्याचे कर्मचाऱ्यांनी सांगितले. (latest marathi news)

Stone pelting by mob at Bharat Nagar substation
Crime News : जीम ट्रेनरवर एका स्थानिकाने केला चाकू हल्ला, वाचा काय आहे प्रकरण?

संतप्त झालेल्या नागरिकांनी अचानक या सबस्टेशनवर दगडफेक केली. येथील सर्व कर्मचारी आणि अधिकारी केबल नादुरुस्त झालेल्या ठिकाणी कामासाठी गेले होते. या वेळी कापडणीस रखवालदारासोबत तेथे होते. अचानक झालेल्या या प्रकाराने तेदेखील भयभीत झाले. जमावाने अंधाराचा फायदा घेऊन त्यांनादेखील मारहाण केल्याचे वीज कंपनीच्या कर्मचाऱ्यांनी सांगितले.

पुरेशी क्षमता नसताना सर्रास नवीन वीजजोडणी देत असल्याने वारंवार या वाहिन्यांवर अतिरिक्त दबाव येऊन वीजपुरवठा खंडित होतो, असे नागरिकांचे म्हणणे आहे. वीज कंपनीचे वरिष्ठ अधिकारी आणि पोलिसांचा ताफा घटनास्थळी पोचला होता.

Stone pelting by mob at Bharat Nagar substation
Crime News: मालाडमध्ये वृद्ध महिलेची हत्या; आरोपीची पोलिस कोठडीत रवानगी

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com