Nashik Earthquake
esakal
पंचवटी (नाशिक): जिल्ह्यात सलग चार दिवसांत सात वेळा भूकंपाचे धक्के जाणवल्याने नागरिकांमध्ये भीतीचे वातावरण निर्माण झाले. मात्र, या धक्क्यांमागे मोठ्या भूकंपाची तातडीची शक्यता असल्याचे कोणतेही संकेत नसल्याचा दिलासा भूगर्भशास्त्रज्ञांनी दिला. सुरगाणा दिंडोरी परिसरातील भूगर्भीय रचनेमुळे कमी तीव्रतेचे आणि कमी खोलीवरील भूकंप वारंवार होत असल्याचे तज्ज्ञांचे मत आहे.
