Gangotri Accident Case: नाशिकचे 28 भाविक सुखरूप; गंगोत्री मार्गावर दरड कोसळून एक ठार

नाशिक : चारधाम यात्रेसाठी सध्या भाविकांची उत्तर भारतातील तीर्थस्थळांवर गर्दी आहे. या परिसरातील गंगोत्री दर्शनासाठी जाणाऱ्या रस्त्यावर दरड कोसळून झालेल्या दूर्घटनेमुळे एका भाविकाचा मृत्यु झाला आहे. त्यामुळे या मार्गावरील वाहतूक खोळबंली होती. यातून नाशिकमधून गेलेले २८ प्रवासी सुखरूप आहेत. (Nashik Gangotri Accident Case 28 Devotees of city Safe)

गेल्या महिनाभरापासून चारधाम यात्रेला प्रारंभ झाला आहे. यावेळी भाविकांची संख्या मोठ्या संख्येने वाढलेली आहे. त्यामुळे गंगोत्री, यमुनोत्री, केदारनाथ याठिकाणी जाण्यासाठी वाहनांच्या लांबच्या लांब रांगा लागलेल्या आहेत. त्यातच भाविकांची वाहने गंगोत्रीकडे जात असताना, हर्षल या गावानजिक दरड कोसळल्याची घटना घडली. (latest marathi news)

यात एका वाहनांचे नुकसान होऊन एक जण ठार झाल्याचे समजते. या दूर्घटनेमुळे गंगोत्री मार्गावरील वाहतूक ठप्प झाली होती. यात नाशिकच्या २८ भाविकांना घेऊन जाणारे वाहनही अडकले होते. परंतु लष्कराच्या जवानांनी मेहनत घेऊन रस्ता मोकळा करून दिल्यानंतर वाहतूक पुन्हा सुरळीत झाली. यातून नाशिकचे २८ भाविकांही सुखरूपपणे पोहोचले असल्याचे तान या पर्यटन संस्थेचे अध्यक्ष दत्ता भालेराव यांनी सांगितले आहे.

"गंगोत्री मार्गावरील हर्षल यागावी दरड कोसळल्याची घटना घडली. मात्र यात नाशिकचे भाविक सुखरूप आहेत. उद्या भाविक पुन्हा पुढच्या प्रवासाला मार्गस्थ होतील."

- दत्ता भालेराव, अध्यक्ष, तान पर्यटन संस्था.