Nashik Rain Alert : पर्यटकांना मोठा झटका! अतिवृष्टीच्या इशाऱ्यामुळे अंजनेरी, हरिहर गड अन् दुगारवाडी धबधब्याकडे जाणारे रस्ते बंद; पोलिसांचा कडेकोट बंदोबस्त

नाशिक : नाशिकसह तालुका, त्र्यंबकेश्वर आणि घाटमाथ्यावर अतिवृष्टी व ढगफुटीसदृश पावसाचा इशारा वर्तविण्यात आल्याने नाशिक शहर व ग्रामीण पोलिस ‘अलर्ट मोड’वर आले (Nashik heavy rain alert today) आहेत. त्या अनुषंगाने पोलिस यंत्रणेने धबधबे, पर्यटन स्थळाकडे जाणारे रस्ते बंद केले असून, गोदाकाठ परिसरावर करडी नजर ठेवली जाणार आहे. तसेच, शहरातील गोदाघाटावरही बारकाईने नजर ठेवतानाच पोलिसांची पथके तैनात केली जाणार आहेत. यासह येथील नागरिकांना आवश्‍यक सूचना देण्यात आल्या आहे.