नाशिक, इंदिरानगर: विरुद्ध दिशेने कार चालवून आलेल्या माजी नगरसेविकेच्या पतीने समोरून आलेल्या कारला कट मारला. त्यावरून संबंधित कारचालक प्राध्यापकाने याबाबत जाब विचारला असता, माजी नगरसेविकेच्या पतीने थेट पिस्तुल रोखत त्यांना जीवे मारण्याची धमकी दिली. मंगळवारी (ता.५) सकाळी इंदिरानगर परिसरात ही घटना घडली. याप्रकरणी इंदिरानगर पोलिस ठाण्यात अदखलपात्र गुन्ह्याची नाेंद करण्यात आली. संबंधित माजी नगरसेविकेच्या पतीने सर्व आरोप फेटाळून लावत आपण पिस्तुल रोखले नसल्याचे सांगितले.