Nashik Dengue Update : महापालिकेचा वैद्यकीय विभाग खडबडून जागा; डेंगीच्या पार्श्वभूमीवर घरभेटी वाढविल्या

Nashik News : शहरामध्ये डेंगी रुग्णांची संख्या वाढत असल्याच्या पार्श्वभूमीवर केंद्रीय पथक नाशिकमध्ये दाखल झाल्यानंतर महापालिकेचा वैद्यकीय विभाग खडबडून जागा झाला आहे. शुक्रवारी (ता. ५) दिवसभरात खासगी ठिकाणी कारवाई करताना एसटी डेपोच्या कार्यालयाला ही नोटीस बजावण्यात आली आहे. (increasing number of dengue patients in city central team has entered Nashik)

जून महिन्यात शहरात डेंगीचे १६१ बाधित रुग्ण आढळून आले होते. एकूण २७१ डेंगी रुग्ण आतापर्यंत आढळून आले आहे. डेंगी रुग्णांची संख्या वाढत असल्याने केंद्र सरकारच्या आरोग्य विभागाचे पथक नाशिकमध्ये पाहणीसाठी दाखल झाले.

पथकाला रुग्णसंख्या संदर्भात माहिती देण्यात आली. गोविंदनगर भागातील एक ७० वर्षीय रुग्णांचा मृत्यू झाला. त्याचबरोबर संभाजी चौकातील एका इमारतीत व उंटवाडीतील एका बांधकाम प्रकल्पावर डेंगीच्या अळ्या आढळून आल्या आहेत. (latest marathi news)

त्यामुळे तातडीने कारवाई करण्याच्या सूचना दिल्या होत्या. शुक्रवारी दिवसभरात एका बंगल्याच्या आवारात डेंगी अळ्या आढळल्याने आठशे रुपयांचा दंड करण्यात आला. एसटी डेपोच्या कार्यालयाला नोटीस बजावण्यात आली. मलेरिया विभागाने डेंगीच्या पार्श्वभूमीवर घरभेटी वाढविल्या आहे.

ज्या घरात डेंगीच्या अळ्या आढळतील तेथे प्रतिस्पॉट दोनशे रुपये दंड आकारला जाणार असल्याची माहिती आलेल्या विभागाचे प्रमुख डॉ. नितीन रावते यांनी दिली. दरम्यान, शुक्रवारी सिडकोतील माईल स्टोन कंट्रक्शनला पाच हजार रुपयाचा दंड ठोठावण्यात आला.