Nashik News : मुंगसे बाजार समिती अखेर सुरु; पहिल्याच दिवशी 15 हजार क्विंटल कांद्याची आवक

Nashik News : व्यापारी व माथाडी कामगारांमधील लेव्हीच्या वादामुळे गेल्या सव्वा महिन्यापासून बंद असलेला येथील बाजार समितीचा मुंगसे कांदा उपबाजार गुरुवारी (ता. २) सुरु झाला.
Onion
Onion esakal

मालेगाव : व्यापारी व माथाडी कामगारांमधील लेव्हीच्या वादामुळे गेल्या सव्वा महिन्यापासून बंद असलेला येथील बाजार समितीचा मुंगसे कांदा उपबाजार गुरुवारी (ता. २) सुरु झाला. बाजार सुरु होताच पहिल्याच दिवशी १५ हजार क्विंटल कांद्याची आवक होती. केवळ एका ट्रॅक्टरला १ हजार ८०१ रुपये क्विंटल भाव मिळाला. (Mungse Bazaar Committee finally started)

बहुतांशी कांदा १२०० ते १४०० रुपये क्विंटलने विकला गेला. दुय्यम प्रतीचा कांदा ९०० ते १२०० रुपये तर सर्वसाधारण कांद्याची ४०० ते ८०० रुपये दराने विक्री झाली. दरम्यान शुक्रवारी (ता. ३) व्यापाऱ्यांचा लाक्षणीक संप व शनिवार, रविवारची नियमित सुटी असल्याने तीन दिवस पुन्हा बाजार बंद राहणार आहे.

लेव्हीच्या मुद्यावर व्यापारी व माथाडी कामगारांमधील संघर्ष महिन्यापासून सुरु आहे. मध्यंतरीच्या काळात २१ एप्रिलला बाजार सुरु झाला होता. पुन्हा वाद निर्माण झाल्याने लिलाव बंद झाले. बाजार समिती पदाधिकारी, व्यापारी व माथाडी कामगारांमध्ये २९ एप्रिलला झालेल्या बैठकीनंतर बाजार सुरु करण्याचा निर्णय घेण्यात आला.

व्यापाऱ्यांनी हमाली, मापाई व वाराई कपात न करता लिलाव करण्याची भूमिका घेतली. तर माथाडी कामगारांनी जोपर्यंत पुढचा निर्णय होत नाही तोपर्यंत आम्ही कामकाजात भाग घेणार नाहीत. मात्र कामावर असल्याची स्वाक्षरी हजेरी पुस्तकात घ्यावी अशी अट ठेवण्यात आली. समितीच्या पदाधिकाऱ्यांनी ती मान्य केल्याने ३० एप्रिलला येथील बाजार समितीच्या मुख्य आवारातील मका, धान्य व कडधान्याचे लिलाव झाले. (Latest Marathi News)

Onion
Nashik City Transport : शहरात पुन्हा ‘टोईंग’ सुरू; बेशिस्तांना बसणार दणका

मुंगसे कांदा बाजार मात्र आजपासून सुरु झाला. सकाळ व दुपार या दोन्ही सत्रात लिलावाचे कामकाज झाले. व्यापाऱ्यांनी हमाली, मापाई व तोलाई कपात न करता लिलाव केले. केंद्र शासनाने ९९ हजार १५० मेट्रीक टन कांदा निर्यातीस परवानगी दिली आहे. या निर्णयामुळे भाव वाढतील अशी शक्यता होती. प्रत्यक्षात केवळ एका ट्रॅक्टरला १८०१ रुपये भाव मिळाला. उर्वरित कांदा हजार ते पंधराशे रुपये दरम्यान विकला गेला. अपेक्षित भाव न मिळाल्याने शेतकऱ्यांनी नाराजी व्यक्त केली.

आज कामबंद आंदोलन

पिंपळगाव येथे माथाडी कामगारांनी व्यापाऱ्यांना अपशब्द वापरल्याच्या निषेधार्थ शुक्रवारी (ता. ३) लिलावाचे कामकाज बंद असेल. शनिवार व रविवार नियमित सुटी असल्याने कांदा बाजार ६ मेस सुरु होईल. येथील समितीच्या मुख्य आवारातील मका, धान्य व कडधान्याचे लिलाव शनिवारी (ता. ४) नियमितपणे होणार असल्याचे व्यापारी असोसिएशनचे अध्यक्ष भिका कोतकर यांनी सांगितले.

Onion
Nashik Onion Export : कांदा निर्यातीबाबत सुधारणा नक्की होतील : फडणवीस

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com