Nashik Potholes
esakal
नाशिक: शहरातील विविध भागांतील रस्त्यांवर मोठ्या प्रमाणात खड्डे पडल्याने नागरिकांना दररोज वाहतुकीचा सामना करावा लागत आहे. पावसामुळे खड्क्यांमध्ये पाणी साचत असल्याने त्यांचा अंदाज येत नसून दुचाकीस्वार घसरून पडण्याच्या घटनाही घडत आहेत. एमजीएनएल पाइप रस्ता, विधाते नगर, रवीशंकर मार्ग, वडाळा गाव तसेच दत्त मंदिर रस्ता आणि सिटी सेंटर मॉल परिसरातील रस्त्यांची अवस्था बिकट झाली आहे. संबंधित यंत्रणांनी तातडीने खड्डे बुजवून रस्ते वाहतुकीसाठी सुरक्षित करावेत, अशी मागणी नागरिकांकडून होत आहे.
