NSK26H31370
धुळे : नरेडको नाशिकच्या प्रॉपर्टी एक्स्पोला भेट देताना नागरीक.
----
नरेडको नाशिकच्या प्रॉपर्टी एक्स्पोची शानदार सांगता
---
धुळेकरांचा उत्स्फूर्त प्रतिसाद; नाशिकमध्ये घर घेण्याच्या स्वप्नाला दिशा
सकाळ वृत्तसेवा
धुळे, ता. ४ : नरेडको नाशिक आयोजित ‘नाशिक प्रॉपर्टी एक्स्पो २०२६’ ची धुळेकर नागरिकांच्या उत्स्फूर्त आणि अभूतपूर्व प्रतिसादात शानदार सांगता झाली. २ ते ४ ऑक्टोबरदरम्यान या तीनदिवसीय प्रदर्शनाला धुळे शहर व परिसरातील नागरिकांनी मोठ्या संख्येने भेट देत नाशिकमधील विविध गृहप्रकल्प व गुंतवणुकीच्या संधींची माहिती घेतली.
टायटल स्पॉन्सर म्हणून दीपक बिल्डर्स ॲन्ड डेव्हलपर्स आणि नंदन बिल्डकॉनचे सहकार्य लाभले. प्रदर्शनाच्या आयोजनासाठी दिलेल्या सहकार्याबद्दल नरेडको नाशिकच्या वतीने दोन्ही संस्थांचे आभार मानले. नाशिकमधील विविध नामांकित बांधकाम व्यावसायिकांचे सुमारे ३० स्टॉल्स या प्रदर्शनात मांडण्यात आले होते. विविध बजेट आणि गरजांनुसार घरांच्या शोधात असलेल्या नागरिकांना एकाच छताखाली विविध गृहप्रकल्पांची माहिती मिळाल्याने त्यांच्या घर खरेदीच्या निर्णयाला मोठी मदत झाली.
समारोपप्रसंगी प्रमुख पाहुण्यांनी धुळेकर नागरिकांनी एक्स्पोला दिलेल्या उत्स्फूर्त प्रतिसादाचे कौतुक केले. नाशिक हे वेगाने विकसित होणारे महानगर असून, आगामी कुंभमेळा, औद्योगिक विकास, कृषी क्षेत्रातील योगदान आणि आल्हाददायक हवामानामुळे नाशिकच्या विकासाला मोठी चालना मिळणार असल्याचे त्यांनी नमूद केले. एक्स्पोमध्ये सहभागी झालेल्या सर्व स्टॉलधारकांचा सन्मानचिन्ह देऊन गौरव करण्यात आला, तसेच एक्स्पोच्या यशस्वी आयोजनासाठी सहकार्य करणारे प्रायोजक, सहयोगी संस्था, स्टॉलधारकांचे आभार मानले.
एक्स्पोच्या यशस्वी आयोजनासाठी नरेडको नाशिकचे अध्यक्ष शंतनू देशपांडे, मेंटॉर व नरेडको महाराष्ट्राचे उपाध्यक्ष जयेश ठक्कर, मानद सचिव भाविक ठक्कर, खजिनदार भूषण महाजन, प्रदर्शन समन्वयक प्रसन्न सायखेडकर व इतर सदस्यांनी परिश्रम घेतले.
