Nashik Police : अपर पोलिस महासंचालकांकडून नाशिकच्या बंदोबस्ताचा आढावा

Nashik News : नाशिक लोकसभा निवडणुकीसाठी २० तारखेला मतदान होणार असल्याने पोलिस आयुक्तालयाकडून तैनात बंदोबस्तासह कायदा व सुव्यवस्थेचा आढावा राज्य पोलिस प्रशासन विभागाचे अपर पोलिस महासंचालक डॉ. निखील गुप्ता यांनी घेतला. सोमवारी (ता.१३) रात्री उशिरापर्यंत आयुक्तालयात याबाबत आढावा बैठक सुरु होती. (review of security of Nashik by Additional Director General of Police)

लोकसभा निवडणुकीच्या पार्श्वभूमीवर नाशिक मतदारसंघाची जबाबदारी अपर पोलिस महासंचालक डॉ. निखील गुप्ता यांच्याकडे सोपविण्यात आली आहे. आयुक्तालय हद्दीतील पोलिस बंदोबस्त आणि सज्जता याचा आढावा घेण्यासाठी डॉ. गुप्ता पोलिस आयुक्तालयात सोमवारी (ता.२०) सायंकाळी सातला दाखल होत निवडणुकीच्या पार्श्वभूमीवर करण्यात आलेल्या प्रतिबंधात्मक कारवाया. (latest marathi news)

मतदानावेळी नेमण्यात आलेला बंदोबस्त, क्षेत्रीय पोलिस अधिकाऱ्यांची नियुक्ती, बाहेरुन दाखल झालेले मनुष्यबळ, मतदानापूर्वी, मतदानावेळी व नंतर ‘इव्हीएम’ची वाहतूक व पोलिस अधिकाऱ्यांची गस्त, वाहने यासंदर्भात डॉ. गुप्ता यांनी आढावा घेतला.

यावेळी पोलिस आयुक्त संदीप कर्णिक, उपायुक्त प्रशांत बच्छाव, मोनिका राऊत, किरणकुमार चव्हाण, चंद्रकांत खांडवी यांच्यासह सर्व सहायक आयुक्त उपस्थित होते.