Nashik Fraud Crime : शाळेच्या शिपायानेच घातला 44 लाखांना गंडा! पालकांकडून शैक्षणिक शुल्क घेतले स्वत:च्या बँक खात्यावर

Fraud Crime : पालकांकडून शाळेची शैक्षणिक फी जमा करून घेतली आणि शाळेला तब्बल ४४ लाखांना गंडा घातल्याचा प्रकार उघडकीस आला आहे.
Fraud Crime
Fraud Crimeesakal

नाशिक : शहरातील नामांकित शाळेतील शिपायानेच पालकांना स्वत:च्या बँकेचा खाते क्रमांक देत तर कधी फोन पेवर पालकांकडून शाळेची शैक्षणिक फी जमा करून घेतली आणि शाळेला तब्बल ४४ लाखांना गंडा घातल्याचा प्रकार उघडकीस आला आहे. याप्रकरणी गंगापूर पोलिसात संशयित शिपायाविरोधात फसवणुकीचा गुन्हा दाखल करण्यात आला आहे. विलास भास्कर आहेर असे संशयित शिपायाचे नाव आहे. (school constable himself took Rs 44 lakh from parents in education fees )

संदीप पुरी ( रा. भोसला मिलिटरी स्कुल, गंगापूर रोड) यांच्या फिर्यादीनुसार, संशयित आहेर हा भोसला मिलिटरी स्कुलमधील लेखा विभागात शिपाई या पदावर कार्यरत होता. मे २०२३ ते डिेसेंबर २०२३ या दरम्यान संशयित आहेर याने शैक्षणिक शुल्क भरण्यासाठी येणार्या पालकांना स्वत:च्या कोटक महिंद्रा बँकेचा खाते क्रमांक आणि आयएफएससी कोड नंबर दिला. तसेच, फोन पेसाठी मोबाईल क्रमांक देत, हे क्रमांक भोसला मिलिटरी स्कुलचे असल्याचे त्याने पालकांना भासविले.

Fraud Crime
Nashik Fraud Crime : ओझरला महिलेला 8 लाखाला गंडा! विमा कंपनीच्या व्यवस्थापकाविरुद्ध गुन्हा दाखल

त्यानुसार, पालकांनीही त्याच्यावर विश्वास ठेवून शैक्षणिक शुल्क संशयित आहेर याने दिलेल्या बँक खात्यावर तर कधी फोन पेद्वारे भरले. अशारितीने संशयिताने तब्बल ४४ लाख ८ हजार रुपये स्वीकारून संस्थेलाच गंडा घातला आहे. सदरची बाब उघडकीस आल्यानंतर याप्रकरणी गंगापूर पोलिसात फसवणुकीचा गुन्हा दाखल करण्यात आला आहे. सहायक निरीक्षक निखिल पवार हे तपास करीत आहेत.

Fraud Crime
Nashik Fraud Crime : पोलिस असल्याची बतावणी करून वृद्धेला गंडा; पंचवटीच्या हिरावाडीतील घटना

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com