Nashik News : नाशिकमध्ये तीन महिन्यांत ७६५ नवे क्षयरुग्ण

नाशिक- राष्ट्रीय क्षयरोग दुरीकरण कार्यक्रमांतर्गत महापालिकेकडून क्षयरोग शोधमोहीम राबविण्यात आली. त्यात मागील तीन महिन्यांत ७६५ नवे रुग्ण आढळून आल्याने उपचार घेत असलेल्या क्षयरोग रुग्णांची संख्या दोन हजार ८५८ वर पोहोचल्याने महापालिकेच्या वैद्यकीय विभागात खळबळ उडाली आहे..महापालिकेतर्फे त्रैमासिक क्षयरोग रुग्णांसाठी आशा स्वयंसेविका, आरोग्य कर्मचारी तसेच स्वयंसेवकांच्या माध्यमातून शोधमोहीम राबविली जाते. संशय असलेल्या संबंधित व्यक्तीचे थुंकीचे नमुने घेऊन तपासणीसाठी पाठविले जातात. तपासणीअंती वैद्यकीय विभागाकडून अहवाल प्राप्त झाल्यावर क्षयरोग रुग्ण घोषित केला जातो. .महापालिकेच्या वैद्यकीय विभागातर्फे राष्ट्रीय क्षयरोग दुरीकरण कार्यक्रम राबविण्यात आला. त्यात १०० प्रशिक्षित पथकांच्या माध्यमातून प्रतिदिन ५० घरांना भेटी देण्याचे नियोजन करण्यात आले. झोपडपट्टी, वीटभट्टी, भटक्या जमाती, स्थलांतरित कामगार, बेघर, मध्यवर्ती कारागृह, वृद्धाश्रमाच्या ठिकाणी मोहीम राबविण्यात आली. .मोहिमेंतर्गत दोन लाख नागरिकांची भेट घेण्यात आली. यात चार हजार ५८८ संशयित आढळले. संशयितांचे थुंकीचे नमुने व एक्स-रे तपासणी करण्यात आली. त्यात ५५ रुग्णांना क्षयरोग असल्याचे निष्पन्न झाले. मागील तीन महिन्यांत एकूण ७६५ क्षयरोग रुग्ण आढळले. सध्या दोन हजार ८५८ क्षयरुग्ण उपचार घेत आहेत..दरम्यान, क्षयरोगाचा रुग्ण आढळल्यावर महापालिकेतर्फे मोफत उपचार केले जात. सन २०२४ मध्ये महापालिका हद्दीत तीन हजार ३३६ क्षयरुग्णांची संख्या होती. यातील ९१ टक्के रुग्ण बरे झाले आहेत. प्रधानमंत्री टीबीमुक्त भारत अभियानांतर्गत क्षयरुग्ण दत्तक घेण्याची निक्षय मित्र योजना आहे. दानशूर व्यक्ती, संस्थेच्या माध्यमातून क्षयरुग्णांना उपचार सुरू असेपर्यंत कोरडा आहार दिला जातो. क्षयरुग्णांना दत्तक घेण्यासाठी निक्षय मित्रांनी पुढाकार घेण्याचे आवाहन महापालिकेच्या क्षयरोग अधिकारी डॉ. शिल्पा काळे यांनी केले..क्षयरोगाची लक्षणेसायंकाळी हलकासा ताप येणेदोन आठवडे किंवा त्यापेक्षा अधिक कालावधीचा खोकला असणेभूक मंदावणे, वजनात लक्षणीय घट होणेथुंकीवाटे रक्त पडणे, चालताना धाप लागणेमानेवरील न दुखणाऱ्या गाठी.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.