सातपूर : नाशिकसह उत्तर महाराष्ट्रातील ‘एमआयडीसी’मधील उद्योजकांच्या समस्या सोडविण्यासाठी कटिबद्ध असल्याचे ‘एमआयडीसी’चे उपमुख्य कार्यकारी अधिकारी सोनाली मुळे यांनी उद्योग भवन येथील उद्योग संघटनाच्या बैठकीत सांगितले. या वेळी त्यांच्या हस्ते पायोनीयर कॉर्पोरेश कंपनीला आक्राळे ‘एमआयडीसी’तील भूखंडाचे देकार पत्रवाटप करत एक सकारात्मक सुरवात केल्याचे पाहायला मिळाले. मुळे यांनी शुक्रवारी (ता. ३) उद्योग भवन, सातपूर येथील प्रादेशिक अधिकारी कार्यालयाला भेट दिली.
