Nashik Accident News : नांदिन, तांदळवाडी रस्त्यावरून भरधाव बसची दुचाकीला धडक; दुचाकीस्वार गंभीर जखमी

Accident News : जायखेडा पोलिस ठाण्यात राज्य परिवहन मंडळाच्या बस चालकावर अपघाताचा गुन्हा दाखल करण्यात आला आहे.
Nashik Accident News
Nashik Accident News esakal

अंबासन, (जि.नाशिक) : बागलाण तालुक्यातील नांदिन येथील नांदिन, तांदुळवाडी रस्त्यावर राज्य परिवहन मंडळाच्या बसने दुचाकीस्वाराला धडक दिल्याने दुचाकीस्वार गंभीर जखमी झाला तर त्यांचा मित्र किरकोळ स्वरूपात दुखापत झाल्याची घटना घडली. जायखेडा पोलिस ठाण्यात राज्य परिवहन मंडळाच्या बस चालकावर अपघाताचा गुन्हा दाखल करण्यात आला आहे. (Nashik speeding bus collided with bike on Nandin Tandalwadi road)

ताहाराबाद येथील मोसम नदीवरील धोकादायक पुलावरून अवजड वाहतूक प्रशासनाकडून बंद करण्यात आल्यानंतर बहुतेक वाहने मिळेल त्या रस्त्यावरून धावतांना दिसत आहेत. दरम्यान संबधित वाहनचालक ग्रामीण भागातील रस्त्यावरील वळण रस्ते तसेच रस्त्यांच्या परिस्थितीकडे दुर्लक्ष करीत भरधाव वेगात ओव्हरटेक करीत धावत आहेत.

अंतापुर व ताहाराबाद गावातूनच होत असलेली वाहतूक ग्रामस्थांकडून बंद करताच तांदळवाडीहुन तर काही वाहने नामपूर मार्गावरून मार्गस्थ होतांना दिसत आहेत. नांदिन,  तांदळवाडी रस्त्यावरून बस क्रमांक (एमएम १४, बीटी १८३०) ही नवापूर, पुणे भरधाव वेगात रस्त्यावर धावत असतानाच समोरून येणाऱ्या दुचाकी क्रमांक (एमएम ४१, बीएन १३८९) ला राॅग साईडने ओव्हरटेक करण्याच्या नादात दुचाकीला धडक दिली यात दुचाकीस्वार सुधाकर गुलाबराव शिंदे हे गंभीर जखमी झाले तर त्यांचा मित्र सुधीर बुवाजी भामरे हे किरकोळ जखमी झाले आहेत. (latest marathi news)

Nashik Accident News
Jalgaon Accident News : क्रूझर उलटून 11 जण जखमी; पहूर- जामनेर मार्गावर अपघात

जखमी सुधाकर शिंदे यांना तातडीने सटाणा येथील रूग्णालयात दाखल करण्यात आले होते. यानंतर पुढील उपचारार्थ त्यांना नाशिक येथील खासगी रुग्णालयात हलविण्यात आले आहे. सुधाकर शिंदे यांच्या फिर्यादीवरून दुचाकीच्या नुकसानीस व अपघाताला कारणीभूत ठरलेला बसचालक योगेश आत्माराम राठोड (रा.सेवानगर, पो.उपखेड ता.चाळीसगाव) याच्यावर जायखेडा पोलिस ठाण्यात अपघाताचा गुन्हा दाखल करण्यात आला आहे. पुढील तपास सहायक पोलीस निरीक्षक पुरूषोत्तम शिरसाठ यांच्या मार्गदर्शनाखाली पोलीस हवालदार रविंद्र भामरे तपास करीत आहेत.

Nashik Accident News
Nashik Accident News : तस्करांच्या गाडीचा पाठलाग करताना राज्य उत्पादन शुल्काच्या वाहनाचा भीषण अपघात

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com