नाशिक: बंद घराला दिसले कुलूप की तोड, असाच एककलमी फंडा गेल्या १५ दिवसांमध्ये दिसून आला आहे. चोरट्यांनी शहरात अक्षरश: धुमाकूळ घातला असून, स्मार्ट पोलिस यंत्रणा मात्र सपशेल अपयशी ठरली आहे. गेल्या १५ दिवसांमध्ये शहरात ४२ घरफोड्या-चोरी-जबरी चोरीच्या घटना घडल्या असून, यात चोरट्यांनी ३५ लाखांच्या मुद्देमालावर डल्ला मारला आहे. व्हिज्युअल पोलिसिंगवर चोरटे वरचढ झाले असून, शहर पोलिसांसमोर आव्हान उभे राहिले आहे.