Trimbakeshwar Temple Assault : भाविकाने ड्रग्ज घेतले हे ठरविणारे तुम्ही कोण? त्र्यंबकेश्वर मारहाणीवर मंत्री गिरीश महाजन संतप्त; नेमका काय प्रकार?

नाशिक : श्रीक्षेत्र त्र्यंबकेश्वर मंदिर येथे दर्शनासाठी आलेल्या एका भाविकाला चार ते पाच जणांनी मारहाण केल्याच्या (Trimbakeshwar Temple devotee assault controversy) घटनेवरून राजकीय वातावरण तापले आहे. या प्रकरणानंतर देवस्थान ट्रस्टने संबंधित भाविकाने अमली पदार्थ सेवन केल्याचा दावा केल्याने वाद अधिकच चिघळला आहे. यावर संतप्त प्रतिक्रिया देताना कुंभमेळामंत्री गिरीश महाजन यांनी थेट सवाल केला, ‘भाविकाने ड्रग्ज घेतले हे ठरविणारे तुम्ही कोण?’ तसेच मारहाणीच्या गंभीर प्रकारात संबंधितांवर तातडीने गुन्हा दाखल व्हायलाच हवा, अशी ठाम भूमिका त्यांनी मांडली.