Godaghat festival
sakal
नाशिक: शहरात वीरांच्या मिरवणुका पारंपरिक उत्साहात व भक्तीभावात झाल्या. वीरांच्या मिरवणुकांमुळे गोदाघाटाला यात्रेचे स्वरूप प्राप्त झाले होते. नवसाला पावणारे वीर म्हणून ख्याती असलेल्या दाजिबा (बाशिंगी), येसोजी, मधोबा महाराज वीर आदींचे जागोजागी भक्तीभावाने मोठ्या उत्साहात स्वागत व पूजन करण्यात आले. अनेक ठिकाणी सडारांगोळीने वीरांचे स्वागत करण्यात आले. ढोल-ताशांसह वाजंत्रीच्या गजराने गोदाघाट दुमदुमून गेला होता. रात्री उशिरापर्यंत या मिरवणुका सुरू होत्या. ग्रहणामुळे अनेक ठिकाणी रात्री उशिरा मिरवणुका काढण्यात आल्या.
